தேனி மாவட்டத்தில் மேலும் 53 பேருக்கு கொரோனா

தேனி:

தேனி மாவட்டத்தில் நேற்று ஒரே நாளில் 53 பேருக்கு கொரோனா பாதிப்பு உறுதி செய்யப்பட்டது. இதனால், பாதிப்பு ஏற்பட்டவர்கள் எண்ணிக்கை 42 ஆயிரத்து 227 ஆக உயர்ந்தது. இதில் சிகிச்சை பெற்று வந்தவர்களில் 102 பேர் நேற்று குணமாகினர். தற்போது 514 பேர் இந்த வைரஸ் பாதிப்புடன் சிகிச்சை பெற்று வருகின்றனர். இதுவரை மாவட்டத்தில் கொரோனா 488 பேரின் உயிரை பறித்துள்ளது. நேற்று கொரோனாவால் மாவட்டத்தில் உயிரிழப்பு எதுவும் இல்லை என்று அரசு தரப்பில் தெரிவிக்கப்பட்டுள்ளது.