50 சதவீத பயணிகளுடன் அரசு பஸ்கள் ஓடின

தமிழகத்தில் கொரோனா நோய் பரவல் காரணமாக பஸ் போக்குவரத்து நிறுத்தப்பட்டு இருந்தது.இதே போல் ஜவுளிகடைகள் மற்றும் நகைகடைகள் உள்ளிட்ட வர்த்தக நிறுவனங்கள் அனைத்தும் அடைக்கப்பட்டன.நோய் தாக்கம் குறைய, குறைய படிபடியாக அனைத்து கடைகளும் திறக்கப்பட்டு வருகின்றன.
அரசின் இந்த உத்தரவை தொடர்ந்து நேற்று காலை முதல் அரசு பஸ்கள் வழக்கம் போல் இயங்க தொடங்கியது. இதனைத் தொடர்ந்து சிவகங்கை மாவட்டத்தில் இயக்கப்படும் காரைக்குடி அரசு போக்குவரத்து கழகத்தின் சார்பில் 241 பஸ்கள் காலை 5 மணி முதல் இயக்கப்பட்டன.
ஊரடங்கு தளர்வையொட்டி அரசு அனுமதியளித்ததை தொடர்ந்து சிவகங்கை, காரைக்குடி, தேவகோட்டை,திருப்பத்தூர், மானாமதுரை, இளையான்குடி, சிங்கம்புணரி, திருப்புவனம் உள்பட மாவட்டம் முழுவதும் உள்ள ஜவுளிக்கடை, நகைக்கடைகள் திறக்கப்பட்டன. ஜவுளிக்கடை, நகைக்கடை ஊழியர்கள் மிகுந்த மகிழ்ச்சியுடன் நேற்று வேலைக்கு வந்தனர். கடைகளிலும் ஓரளவுக்கு கூட்டம் காணப்பட்டது.