மது கடத்திய 2 பேர் கைது

லாலாபேட்டை போலீசார் பிள்ளாபாளையம் இரட்டை வாய்க்கால் கரையில் ரோந்து பணியில் ஈடுபட்டனர். அப்போது அந்த வழியாக வந்த ஒரு ேமாட்டார் சைக்கிளை நிறுத்தி போலீசார் சோதனை செய்தனர். அப்போது அதில்,  திருச்சி பெட்டவாய்த்தலையில் இருந்து மதுபாட்டில்களை வாங்கி விற்பனைக்காக கடத்தி வந்தத தெரியவந்தது. இதையடுத்து மதுபாட்டில்களை கடத்தி வந்ததாக மேட்டு மகாதானபுரத்தை சேர்ந்த பிரகாஷ் (வயது 23), அதே பகுதியை சேர்ந்த பாலசுப்பிரமணி (47) ஆகியோரை போலீசார் கைது செய்தனர். மேலும் அவர்களிடமிருந்த 56 மதுபாட்டில்களுடன், மோட்டார் சைக்கிளும் பறிமுதல் செய்யப்பட்டன.

தோகைமலை பகுதியில் போலீசார் ரோந்து பணியில் ஈடுபட்டிருந்தனர். அப்போது ஆர்ச்சம்பட்டியை சேர்ந்த முருகேசன் (50), தனது சலூன் கடை பின்புறமும், தோகைமலை வேதாச்சலம்புரத்தை சேர்ந்த கோபாலகிருஷ்ணன் (50) என்பவர் ஒரு ஓட்டல் பின்புறம் மது விற்றுக் கொண்டிருந்தனர். இதையடுத்து 2 பேர் மீது போலீசார் வழக்குப்பதிந்து, அவர்கள் விற்பனைக்காக வைத்திருந்த மதுபாட்டில்களை பறிமுதல் செய்தனர்.