<
குடியாத்தம் அருகே அண்ணன் கழுத்தை அறுத்த டிராக்டர் டிரைவர் கைது
குடியாத்தம் அருகே குடும்ப தகராறில் அண்ணன் கழுத்தை அறுத்த டிராக்டர் டிரைவரை போலீசார் கைது செய்தனர்.
குடியாத்தம்
மனைவி பிரிந்து சென்றார்
குடியாத்தம் அடுத்த மேல்பட்டி ரோடு காக்காதோப்பு கிராமத்தை சேர்ந்தவர் கருணாகரன் (வயது 56) விவசாயி. இவருடைய தம்பி யோகநாதன் (45) டிராக்டர் டிரைவர். யோகநாதன் மனைவி பாரதி, கணவருடன் ஏற்பட்ட தகராறு காரணமாக கணவனை பிரிந்து வாணியம்பாடியில் உள்ள தாய் வீட்டில் பிள்ளைகளோடு கடந்த நான்கு ஆண்டுகளாக வசித்து வருகிறார்.
இதற்கு தனது அண்ணன் கருணாகரன்தான் காரணம் என கருதி, அடிக்கடி யோகநாதன் தனது அண்ணன் கருணாகரனிடம் தகராறு செய்து வந்துள்ளார். நேற்று காலையிலும் இதேபோல் தகராறு செய்துள்ளார். ஊரில் உள்ளவர்கள் சமாதானம் செய்து அனுப்பி உள்ளனர்.
கழுத்தை அறுத்தார்
அதைத்தொடர்ந்து கருணாகரன் தனக்கு சொந்தமான மாட்டு கொட்டகையில் தூங்கிக்கொண்டிருந்தார். அப்போது அங்கு வந்த யோகநாதன், அண்ணன் கருணாகரனின் கழுத்தை கத்தியால் அறுத்துள்ளார் இதனால் கருணாகரன் கூச்சலிட்டார். ்வருடைய அலறல் சத்தம் கேட்டு அக்கம்பக்கத்தினர் ஓடி வருவதற்குள் லோகநாதன் அங்கிருந்து தப்பி ஓடிவிட்டார்.
இதனையடுத்து கருணாகரனை சிகிச்சைக்காக குடியாத்தம் அரசு மருத்துவமனையில் சேர்த்தனர். பின்னர் மேல்சிகிச்சைக்காக அடுக்கம்பாறை அரசு மருத்துவமனையில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது.
டிராக்டர் டிரைவர் கைது
இதுகுறித்து கருணாகரனின் மகள் சிந்து அளித்த புகாரின் பேரில் குடியாத்தம் தாலுகா போலீஸ் சப்-இன்ஸ்பெக்டர்கள் ஏழுமலை, சரவணன் ஆகியோர் வழக்குப்பதிவு செய்து யோகநாதனை கைது செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
