<
மூதாட்டி குடும்பத்துடன் தர்ணா போராட்டம்
மூதாட்டி குடும்பத்துடன் தர்ணா போராட்டம்
வேலூர்
வேலூர் மாவட்டம் பேரணாம்பட்டு தாலுகா கொத்தூர் கிராமத்தை சேர்ந்தவர் சரஸ்வதி (வயது 77). இவர் நேற்று தனது 2 மகன்கள், மருமகள்கள், பேரக்குழந்தைகளுடன் வேலூர் மாவட்ட கலெக்டர் அலுவலகம் அருகே அமர்ந்து தர்ணா போராட்டத்தில் ஈடுபட்டார். இதுகுறித்து தகவல் அறிந்த சத்துவாச்சாரி போலீசார் அவர்களிடம் விசாரணை மேற்கொண்டனர். அப்போது மூதாட்டி கூறியதாவது:-
எனது மகன்கள் ரமேஷ், பூபாலன் ஆகியோர் பேரணாம்பட்டு மெயின்ரோட்டில் கோவிலுக்கு சொந்தமான இடத்தில் பல ஆண்டுகளாக மளிகை, அடகு கடை நடத்தி வந்ததாகவும், கடந்த 21-ந் தேதி எவ்வித அறிவிப்பும் இன்றி கோவில் நிர்வாகி பொக்லைன் எந்திரம் மூலம் திடீரென கடைகளை இடித்து விட்டதாகவும் அவர் மீது நடவடிக்கை எடுக்கக் கோரி கடந்த 22-ந் தேதி வேலூர் மாவட்ட போலீஸ் சூப்பிரண்டு அலுவலகம் முன்பு குடும்பத்துடன் போராட்டத்தில் ஈடுபட்டோம்.
அப்போது போலீசார் பேச்சு வார்த்தை நடத்தி நடவடிக்கை எடுப்பதாக உறுதியளித்தனர். ஆனால் இதுவரை எவ்வித நடவடிக்கையும் எடுக்கவில்லை. எனவே குடும்பத்துடன் தர்ணா போராட்டத்தில் ஈடுபட்டுள்ளோம் என்றார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
