சிறுமிக்கு திருமணம் கணவர் மீது வழக்குப்பதிவு

கரூர் அருகே உள்ள பாலமலை முருகன் கோவிலில் 17 வயது சிறுமி ஒருவருக்கு கடந்த சில நாட்களுக்கு முன்பு திருமணம் நடைபெற்றதாக பரமத்தி வட்டார வளர்ச்சி அதிகாரி விஜய சாமுண்டீஸ்வரிக்கு தகவல் கிடைத்தது. அதன்பேரில், அவர் கரூர் அனைத்து மகளிர் போலீஸ் நிலையத்தில் கொடுத்த புகாரின்பேரில் போலீஸ் சப்-இன்ஸ்பெக்டர் சித்ராதேவி, குழந்தைத் திருமண தடுப்புச் சட்டத்தின் கீழ் சிறுமியை திருமணம் செய்த வீராச்சாமி (வயது 32) மற்றும் சிறுமியின் தந்தை திருமலைசாமி (60) மற்றும் சிலர் மீது வழக்குப்பதிவு செய்து விசாரணை நடத்தி வருகிறார்.