<
திண்டுக்கல்லில் 403 மதுபாட்டில்கள் பறிமுதல்
திண்டுக்கல்லில் சட்டவிரோதமாக மது விற்ற 3 பேரை போலீசார் கைது செய்தனர். அவர்களிடம் இருந்த 403 மதுபாட்டில்கள் பறிமுதல் செய்யப்பட்டது.
திண்டுக்கல்:
திண்டுக்கல் மதுவிலக்கு போலீஸ் இன்ஸ்பெக்டர் சத்தியசீலா தலைமையிலான போலீசார் திண்டுக்கல் நகர் முழுவதும் நேற்று திடீர் சோதனையில் ஈடுபட்டனர்.
அப்போது 3 டாஸ்மாக் மதுக் கடைகளுக்கு அருகே சட்டவிரோதமாக மதுபானம் விற்றதை கண்டுபிடித்தனர்.
அதன்படி திண்டுக்கல் பஸ் நிலையம் அருகே மது விற்ற ரெங்கநாதபுரத்தை சேர்ந்த ராமச்சந்திரன் (வயது 47), திருச்சி சாலை பகுதியில் மது விற்ற திண்டுக்கல் காளிமுத்து பிள்ளை தெருவை சேர்ந்த கிருஷ்ணமூர்த்தி (51), கருணாநிதிநகரை சேர்ந்த கிருஷ்ணன் (49) ஆகியோர் போலீசாரிடம் சிக்கினர்.
இதுகுறித்து திண்டுக்கல் மதுவிலக்கு போலீசார் வழக்குப்பதிவு செய்து 3 பேரையும் கைது செய்தனர். மேலும் அவர்கள் விற்பனை செய்வதற்காக பதுக்கி வைத்திருந்த 403 மது பாட்டில்களையும் போலீசார் பறிமுதல் செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
