<
பேரணாம்பட்டு அருகே திருடிச்சென்ற அம்மன் சிரசை மீண்டும் கோவிலில் வைத்து சென்ற மர்ம நபர்கள்
பேரணாம்பட்டு அருகே திருடிச்சென்ற அம்மன் சுரசை மர்ம நபர்கள் மீண்டும் கோவிலில் வைத்து விட்டு சென்றுள்ளனர்.
பேரணாம்பட்டு
அம்மன் சிரசு திருட்டு
பேரணாம்பட்டு அடுத்த எம்.வி.குப்பம் கிராமத்தில் உள்ள கெங்கையம்மன் கோவிலில் ஆண்டு தோறும் அம்மன் சிரசு ஊர்வலத்துடன் திருவிழா நடைபெற்று வந்தது. இந்த நிலையில் கிராம மக்கள் தரப்பில் வருகிற 16-ந் தேதி திருவிழா நடத்த முடிவு செய்து அதற்கான ஏற்பாடுகளை செய்து வந்தனர். மற்றொரு தரப்பினர் கோவில் தங்களுக்கு சொந்தமானது என்றும், ஐகோர்ட்டில் வழக்கு தொடர்ந்துள்ளதாகவும் கூறி, அவர்கள் திருவிழா நடத்த அனுமதி வழங்க கோரி மேல்பட்டி போலீசார் மற்றும் வருவாய் துறை அதிகாரிகளுக்கு மனு அனுப்பியிருந்தனர்.
இதனையறிந்த ஊர் மக்கள் கெங்கையம்மன் கோவிலில் இருந்த கெங்கையம்மன் சிரசை பாதுகாப்புக்காக கடந்த 27-ந் தேதி எடுத்து சென்று அருகிலுள்ள ஆதிபுரீஸ்வரர் கோவிலில் வைத்திருந்தனர். அங்கு வைத்திருந்த அம்மன் சிரசு திடீரென காணாமல் போனது. கோவிலில் உள்ள கண்காணிப்பு கேமராவில் மர்ம ஆசாமிகள் சுவர் ஏறி குதித்து அம்மன் சிரசை திருடி செல்லும் காட்சிகள் பதிவாகியிருந்தது.
மீண்டும் வைத்து சென்றனர்
குறித்து இரு தரப்பினர் அளித்த புகார்களின் பேரில் மேல்பட்டி சப்- இன்ஸ்பெக்டர் குமரன் மற்றும் போலீசார் விசாரணை நடத்தி வந்தனர். இந்த நிலையில் அம்மன் சிரசை திருடிச்சென்ற மர்ம ஆசாமிகள் தங்களை போலீசார் தேடுவதையறிந்து, அம்மன் சிரசை தாங்களாகவே கொண்டு வந்து மீண்டும் கெங்கையம்மன் கோவிலில் இரவு நேரத்தில் வைத்து விட்டு சென்றுள்ளனர்.
திருடிச்சென்ற அம்மன் சிரசை மீண்டும் கொண்டு வந்து வைத்துவிட்டு சென்ற மர்ம நபர்கள் குறித்து போலீசார் விசாரணை நடத்தி வருகின்றனர். மேலும் அம்மன் சிரசு வைக்கப்பட்டுள்ள கோவிலுக்கு போலீஸ்பாதுகாப்பு போடப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
