கஞ்சா கடத்திய 4 பேர் கைது

நெல்லை:

நெல்லை அருகே மேலச்செவல் பகுதியில் போலீசார் வாகன சோதனை நடத்தினர். அப்போது 2 மோட்டார் சைக்கிளில் வந்த 4 பேரை தடுத்து நிறுத்தியபோது அவர்கள் தப்பி ஓட முயன்றனர். உடனடியாக போலீசார் அவர்களை மடக்கிப்பிடித்தனர். விசாரணையில், மேலச்செவல் பகுதியை சேர்ந்த கணேஷ் அரவிந்த் (வயது 24), கண்ணன் (21), சிவா (23), பிரபாகரன் (20) என்பதும், விற்பனைக்காக மோட்டார்சைக்கிளில் கஞ்சா கடத்தி வந்ததும் தெரியவந்தது. இதையடுத்து அவர்கள் 4 பேரையும் போலீசார் கைது செய்து, 1½ கிலோ கஞ்சாவையும் பறிமுதல் செய்தனர். மேலும் 2 மோட்டார் சைக்கிள்களும் பறிமுதல் செய்யப்பட்டன.