மாவட்ட செய்திகள்

கள்ளக்குறிச்சி மாவட்டத்தில் மாற்றுத்திறனாளிகளுக்கு கொரோனா தடுப்பூசி சிறப்பு முகாம் + "||" + In the district of Kallakurichi Corona vaccination special camp for the disabled

கள்ளக்குறிச்சி மாவட்டத்தில் மாற்றுத்திறனாளிகளுக்கு கொரோனா தடுப்பூசி சிறப்பு முகாம்

கள்ளக்குறிச்சி மாவட்டத்தில் மாற்றுத்திறனாளிகளுக்கு கொரோனா தடுப்பூசி சிறப்பு முகாம்
கள்ளக்குறிச்சி மாவட்டத்தில் மாற்றுத்திறனாளிகளுக்கு கொரோனா தடுப்பூசி சிறப்பு முகாம் நடைபெற உள்ளதாக கலெக்டர் ஸ்ரீதர் தெரிவித்தார்
கள்ளக்குறிச்சி

ஆலோசனை கூட்டம்

கள்ளக்குறிச்சி மாவட்ட கலெக்டர் அலுவலக கூட்டரங்கில் மாற்றுத்திறனாளிகளுக்கு கொரோனா தடுப்பூசி செலுத்துவது தொடர்பான அனைத்துவகை மாற்றுத்திறனாளிகளுக்கான கூட்டமைப்பு பிரதிநிதிகள் மற்றும் தொண்டு நிறுவனங்களுடனான ஆலோசனை கூட்டம் கலெக்டர் ஸ்ரீதர் தலைமையில் நடைபெற்றது. 
கூட்டத்தில் கலெக்டர் ஸ்ரீதர் பேசியதாவது:-

வீடுகளுக்கே சென்று

தமிழ்நாட்டில் உள்ள அனைத்து மாற்றுத்திறனாளிகளுக்கும் கொரோனா தடுப்பூசி செலுத்த தேவையான முன்னேற்பாடு பணிகளை மேற்கொள்ளுமாறு முதல்-அமைச்சர் அறிவுறுத்தியுள்ளார். 
அதன்படி கள்ளக்குறிச்சி மாவட்டத்தில் உள்ள அனைத்து மாற்றுத்திறனாளிகளும் கொரோனா தடுப்பூசி செலுத்திக்கொள்வதற்கு மாவட்டம் முழுவதும் சிறப்பு முகாம்கள் நடத்திடவும், முகாம்களுக்கு வர இயலாவர்களுக்கு வீடுகளுக்கே சென்று தடுப்பூசி செலுத்துவது போன்ற முன்னேற்பாடு பணிகள், சுகதாரத்துறை, வருவாய்த்துறை, ஊரக வளர்ச்சித்துறை மற்றும் மாற்றுத்திறனாளிகள் நலத்துறை அலுவலர்களைக் கொண்டு மேற்கொள்ளப்படவுள்ளது.

ஒத்துழைக்க வேண்டும்

இது குறித்து அனைத்து வகை மாற்றுத்திறனாளிகளுக்கான கூட்டமைப்பு பிரதிநிதிகள் மற்றும் தொண்டு நிறுவன ஊழியர்கள் போதிய விழிப்புணர்வை ஏற்படுத்த வேண்டும். 
மேலும் தடுப்பூசி முகாம்களில் கள்ளக்குறிச்சி மாவட்டத்தில் உள்ள அனைத்துவகை மாற்றுத்திறனாளிகளையும் பங்கேற்க செய்து 100 சதவீதம் அனைத்து மாற்றுத்திறனாளிகளும் கொரோனா தடுப்பூசி செலுத்திக்கொள்வதை உறுதி செய்ய ஒத்துழைக்க வேண்டும். இப்பணிகளை மேற்கொள்ளும் மாவட்ட மாற்றுத்திறனாளிகள் நலத்துறை, சுகாதாரத்துறை மற்றும் இதரத்துறையினருக்கு, அனைத்து வகை மாற்றுத்திறனாளி கூட்டமைப்பு, தொண்டு நிறுவன ஊழியர்கள் மற்றும் அனைத்து மாற்றுத்திறனாளிகளும் ஒத்துழைப்பு வழங்க வேண்டும். 
இவ்வாறு அவர் கூறினார்.

கூட்டத்தில் மாவட்ட வருவாய் அலுவலர் விஜய்பாபு, கலெக்டரின் நேர்முக உதவியாளர்(பொது) சுரேஷ், தனித்துணை ஆட்சியர் ராஜாமணி, துணை இயக்குனர் (சுகாதாரப்பணிகள்) சதிஷ்குமார், திட்ட அலுவலர் (ஒருங்கிணைந்த குழந்தைகள் வளர்ச்சி திட்டம்) லதா மற்றும் தாசில்தார், அனைத்து வகை மாற்றுத்திறனாளிகளுக்கான கூட்டமைப்பு பிரதிநிதிகள் மற்றும் தொண்டு நிறுவன பிரதிநிதிகள் கலந்துகொண்டனர்.

தொடர்புடைய செய்திகள்

1. திருக்கோவிலூர் ரிஷிவந்தியம் பகுதியில் கொரோனா தடுப்பூசி சிறப்பு முகாம்
திருக்கோவிலூர் ரிஷிவந்தியம் பகுதியில் கொரோனா தடுப்பூசி சிறப்பு முகாம்
2. 659 புதிய வாக்காளர்களுக்கு அடையாள அட்டை வினியோகம்
சிவகங்கை மாவட்டத்தில் வாக்காளர் பட்டியலில் புதியதாக பெயர் சேர்த்த 659 வாக்காளர்களுக்கு சிறப்பு முகாமில் அடையாள அட்டையை பதிவிறக்கம் செய்து வழங்கப்பட்டது என்று மாவட்ட கலெக்டர் மதுசூதன் ரெட்டி தெரிவித்துள்ளார்.
3. பொது வினியோக திட்ட குறைதீர்க்கும் சிறப்பு முகாம்
பொது வினியோக திட்ட குறைதீர்க்கும் சிறப்பு முகாம் நேற்று கரூர் வட்ட வழங்கல் அலுவலகத்தில் நடைபெற்றது.
4. 3-ம் பாலினத்தவர்களுக்கு மின்னணு குடும்ப அட்டை
சிவகங்கை மாவட்ட தாலுகா அலுவலகங்களில் 3-ம் பாலினத்தவர்களுக்கு மின்னணு குடும்ப அட்டை வழங்கும் சிறப்பு முகாம் நாளை(சனிக்கிழமை) நடக்கிறது.