<
காரில் கடத்தி வரப்பட்ட 110 கிலோ புகையிலை பொருட்கள் பறிமுதல்
திண்டிவனத்தில் காரில் கடத்தி வரப்பட்ட 110 கிலோ புகையிலை பொருட்களை போலீசார் பறிமுதல் செய்தனர். இது தொடர்பாக 3 பேர் கைது செய்யப்பட்டனர்.
திண்டிவனம்,
திண்டிவனம் சப்-இன்ஸ்பெக்டர் முருகன் தலைமையிலான போலீசார் நேற்று மாலை மரக்காணம் ரோடு சந்திப்பில் வாகன சோதனையில் ஈடுபட்டனர். அப்போது அந்த வழியாக வேகமாக வந்த காரை போலீசார் தடுத்து நிறுத்தி சோதனை நடத்தினர்.
இதில் காரில், தமிழக அரசால் தடைசெய்யப்பட்ட 110 கிலோ எடை கொண்ட புகையிலை பொருட்களை கடத்தி வந்தது தெரிந்தது.
இதையடுத்து காரில் வந்த 3 பேரை போலீசார் பிடித்து விசாரணை நடத்தினர்.
விசாரணையில், திண்டிவனம் அடுத்த எறையானூர் நேதாஜி நகர் பகுதியை சேர்ந்த ராஜன் (வயது 48), மோகன் (35), செஞ்சி ரோடு பகுதியை சேர்ந்த ரஹமத்துல்லா (45) ஆகியோர் என்பதும், சென்னையில் இருந்து திண்டிவனத்திற்கு புகையிலை பொருட்களை கடத்தி வந்ததும் தெரியவந்தது.
கைது
இதையடுத்து புகையிலை பொருட்கள் மற்றும் கடத்தலுக்கு பயன்படுத்தப்பட்ட கார் ஆகியவற்றை போலீசார் பறிமுதல் செய்தனர்.
மேலும் கடத்தல் தொடர்பாக ராஜன் உள்பட 3 பேரையும் போலீசார் கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire