லாட்டரி சீட்டுகள் விற்றவர் கைது

வடகாடு அருகே உள்ள புளிச்சங்காடு கைகாட்டி பகுதியில் தமிழக அரசால் தடை செய்யப்பட்ட லாட்டரி சீட்டுகள் விற்பனை செய்யப்படுவதாக வடகாடு போலீசாருக்கு ரகசிய தகவல் வந்தது. தகவலின் பேரில் போலீசார் அப்பகுதியில் சோதனையிட்டனர். அப்போது, அப்பகுதியில் உள்ள ஒரு டீக்கடையில் லாட்டரி சீட்டுகள் விற்பனை செய்து கொண்டிருந்த புளிச்சங்காடு கைகாட்டி அனவயல் பகுதியை சேர்ந்த பாலகிருஷ்ணன்(வயது 68) என்பவரை கைது செய்தனர். மேலும் அவரிடம் இருந்த 17 லாட்டரி டிக்கெட் மற்றும் ரூ.500-ஐ பறிமுதல் செய்து விசாரணை நடத்தி வருகின்றனர்.