கயத்தாறு அருகே கஞ்சா விற்ற வாலிபர் கைது

கயத்தாறு அருகே செட்டிகுறிச்சி பஞ்சாயத்து ராம்தாஸ் காலனியை சேர்ந்தவர் முருகன் மகன் ஆக்னல் (வயது 29). இவர் செட்டிகுறிச்சி பஸ் நிறுத்தத்தில் சந்தேகத்திற்கிடமாக நின்று கொண்டிருந்தபோது, அங்கு ரோந்து சென்ற கயத்தாறு போலீஸ் இன்ஸ்பெக்டர் முத்து, சப்-இன்ஸ்பெக்டர் அரிக்கண்ணன் ஆகியோர் அவரை அழைத்து சோதனை நடத்தினர். அப்போது அவரிடம் கஞ்சா பொட்டலங்கள் இருந்தது தெரியவந்தது. இதையடுத்து போலீசார் வழக்குப்பதிவு செய்து, கஞ்சா விற்றதாக ஆக்னலை கைது செய்தனர். அவரிடம் இருந்து கஞ்சா பொட்டலங்கள் பறிமுதல் செய்யப்பட்டது.