<
வெளிமாநிலங்களில் இருந்து நீலகிரிக்கு வர இ-பாஸ் நடைமுறை தொடரும்
வெளிமாநிலங்களில் இருந்து நீலகிரி மாவட்டத்துக்கு வர இ-பாஸ் நடைமுறை தொடரும் என்று கலெக்டர் தெரிவித்தார்.
ஊட்டி
வெளிமாநிலங்களில் இருந்து நீலகிரி மாவட்டத்துக்கு வர இ-பாஸ் நடைமுறை தொடரும் என்று கலெக்டர் தெரிவித்தார்.
ஆக்சிஜன் உற்பத்தி
நீலகிரி மாவட்டம் ஊட்டி அரசு மகப்பேறு மருத்துவமனையில் ஆக்சிஜன் உற்பத்தி செய்யும் 2 யூனிட்டுகளை தொடங்கி வைக்கும் நிகழ்ச்சி நேற்று நடைபெற்றது. நிகழ்ச்சிக்கு கலெக்டர் இன்னசென்ட் திவ்யா தலைமை தாங்கி ரூ.60 லட்சம் மதிப்பில் அமைக்கப்பட்ட 2 யூனிட்டுகளை தொடங்கி வைத்து பார்வையிட்டார்.
இதன் மூலம் அவசர மருத்துவ சிகிச்சைக்கு ஆக்சிஜன் தேவைப்படும் நபர்களுக்கு உடனடியாக உற்பத்தி செய்ய முடியும். கொரோனா பாதித்த 7 பேர், மற்ற சிகிச்சையில் இருப்பவர்கள் 35 பேர் ஆக்சிஜன் உதவியுடன் சிகிச்சை பெறும் வசதி ஏற்படுத்தப்பட்டு உள்ளது.
3-வது யூனிட் தயார்
பின்னர் கலெக்டர் இன்னசென்ட் திவ்யா நிருபர்களிடம் கூறியதாவது:- ஊட்டி அரசு மகப்பேறு மருத்துவமனையில் ஆக்சிஜன் உற்பத்தி செய்யும் 2 யூனிட்டுகள் மூலம் ஒரு நிமிடத்துக்கு 200 லிட்டர் ஆக்சிஜன் உற்பத்தி செய்யும் கொள்ளளவு உள்ளது. இது பயன்பாட்டுக்கு கொண்டு வரப்பட்டதால், நோயாளிகளுக்கு உதவியாக இருக்கும்.
குன்னூர் அரசு மருத்துவமனையில் ஆக்சிஜன் யூனிட் தொடங்கப்பட்டது. ஊட்டி அரசு மருத்துவ கல்லூரி மருத்துவமனையில் ஆக்சிஜனை உற்பத்தி செய்வதற்காக 3-வது யூனிட் தயாராக உள்ளது.
இ-பாஸ் நடைமுறை
இதேபோல் கோத்தகிரி, கூடலூர் பகுதிகளில் ஆக்சிஜன் உற்பத்தி செய்வதற்காக யூனிட் அமைக்கும் பணிகள் நடைபெற்று வருகிறது. இதன் மூலம் ஆக்சிஜன் தட்டுப்பாடு இல்லாத மாவட்டமாக நீலகிரி மாற உள்ளது. கொரோனா பரவலை தடுக்க பொதுமக்கள் கூட்டம் கூடக்கூடாது என்று கட்டுப்பாடுகள் விதிக்கப்பட்டு இருக்கிறது.
இதனால் நீலகிரியில் சுற்றுலா தலங்கள் திறப்பது குறித்து அரசிடம் தெரிவிக்கப்பட்டு இருக்கிறது. அதன் பின்னர் தெரிவிக்கப்படும். மாவட்டங்களுக்கு இடையே இ-பாஸ் நடைமுறை ரத்து செய்யப்பட்டு உள்ளது. ஆனால், கேரளா, கர்நாடகா போன்ற வெளிமாநிலங்களில் இருந்து நீலகிரிக்கு வருகிறவர்கள் கட்டாயம் இ-பாஸ் பெற்று வந்தால்தான் அனுமதிக்கப்படுவார்கள். இவ்வாறு அவர் கூறினார். நிகழ்ச்சியில் மருத்துவக்கல்லூரி மருத்துவமனை டீன் மனோகரி மற்றும் டாக்டர்கள், செவிலியர்கள் கலந்துகொண்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
