‘கோவில் கருவறையில் சாமியை தரிசித்தது மனநிறைவை தருகிறது’-பக்தர்கள் பேட்டி

கொரோனா 2-வது அலை ெதாற்று குறைந்ததை தொடர்ந்து ஊரடங்கு தளர்வால் நேற்று முதல் கோவில்களில் பக்தர்கள் சாமி தரிசனத்துக்கு அனுமதிக்கப்பட்டனர். சாமி தரிசனம் செய்த பக்தர்கள் கருத்து இதோ:-
ஜோதிசண்முகசுந்தரம் (காரைக்குடி) - சுமார் 70 நாட்களுக்கு பின்னர் சாமி தரிசனம் செய்திருப்பது மனதிற்கு மகிழ்ச்சியை அளிக்கிறது. இதற்கு முன்பு நாங்கள் கோவில் வாசலில் நின்று ஒருவித நெருடலுடன் சாமி தரிசனம் செய்து வந்தோம். நேற்று முதல் காரைக்குடி மீனாட்சிபுரம் முத்துமாரியம்மனை கோவிலுக்குள் சென்று தரிசித்தது மனநிறைவு தருகிறது.
ரம்யா (பிள்ளையார்பட்டியில் தரிசனம் செய்தவர்) - . நேற்று முதல் தரிசனத்திற்கு அனுமதி கிடைத்ததால் முதற்கடவுளான கற்பகவிநாயகரை தரிசனம் செய்தது மிகவும் மகிழ்ச்சியை ஏற்படுத்தி உள்ளது. இனிவரும் காலங்களில் மக்களுக்கு கொரோனா உள்ளிட்ட நோய்கள் இல்லாமல் அனைவரும் மகிழ்ச்சியாக வாழவேண்டும் என்று வேண்டிக்கொண்டேன்.
சிவரஞ்சனி (சிங்கம்புணரி) - ஊரடங்கு காரணமாக கடந்த 2 மாதங்களாக சாமியை தரிசனம் செய்ய முடியாத சூழ்நிலை. நேற்று முதல் கோவில்கள் திறக்கப்பட்டு தரிசனம் செய்தது மகிழ்ச்சியை ஏற்படுத்தி உள்ளது. இனி வரும் காலங்களில் கொரோனா போன்ற கொடிய நோய்களில் இருந்து விடுபட்டு பொதுமக்கள் மகிழ்ச்சியோடு வாழ வேண்டி சிங்கம்புணரி சேவுகப்பெருமாள் அய்யனாரிடம் வேண்டி கொண்டேன். வீட்டில் பூஜை அறையில் வழிப்படுவதை காட்டிலும் கோவிலுக்கு வந்து சாமி கும்பிடுவது ஒரு மனநிறைவு தருகிறது.