மனிதநேய மக்கள் கட்சி ஆர்ப்பாட்டம்

பெட்ரோல், டீசல், சமையல் எரிவாயு விலை உயர்வை கண்டித்து ராமநாதபுரம் மத்திய மாவட்ட மனிதநேய மக்கள் கட்சி சார்பில் அரசு போக்குவரத்து பணிமனை வாசலில் கண்டன ஆர்ப்பாட்டம் நடைபெற்றது.ஆர்ப்பாட்டத்திற்கு மனிதநேய மக்கள் கட்சி மாவட்ட செயலாளர் முஜிபுர் ரஹ்மான் தலைமை தாங்கினார். த.மு.மு.க. மாநில செயலாளர் சலிமுல்லாகான், மனிதநேய மக்கள் கட்சியின் தலைமை கழக பேச்சாளர் தாகா புகாரி, ராமநாதபுரம் மாவட்ட தலைவர் சரீப், மாவட்ட செயலாளர் கலந்தர் ஆசிக், தி.மு.க. வடக்கு நகர செயலாளர் கார்மேகம், மாவட்ட ஊராட்சி குழு உறுப்பினர் வக்கீல் ரவிச்சந்திர ராமவன்னி, ராமநாதபுரம் தி.மு.க. தெற்கு நகர் செயலாளர் பிரவீன் தங்கம், இந்திய கம்யூனிஸ்டு கட்சி மாவட்ட செயலாளர் வக்கீல் முருகபூபதி, தமிழ் புலிகள் கட்சி மாவட்ட செயலாளர் தமிழ் முருகன் உள்ளிட்டோர் கலந்து கொண்டு பேசினார்கள்.
இதில், ராமநாதபுரம் மத்திய மாவட்ட துணைத்தலைவர் ஆஷிக் சுல்தான், மாவட்ட பொருளாளர் ஹமீது சபிக், மாவட்ட துணைச் செயலாளர்கள் யாசர் அரபாத், பிஸ்மி சேக், த.மு.மு.க. மாவட்ட துணைச்செயலாளர் ரைஸ் இப்ராஹிம், மாவட்ட தொண்டரணி செயலாளர் நெய்னா முஹம்மது உள்பட பலர் கலந்து கொண்டனர். முடிவில், கட்சியின் நகர் செயலாளர் முகமது அமீன் நன்றி கூறினார். ஆர்ப்பாட்டத்தில் பெட்ரோல், டீசல், சமையல் எரிவாயு விலை ஏற்றத்தை கண்டிக்கும் வகையிலும், மத்தியை அரசை கண்டித்து மாட்டு வண்டியில் மோட்டார் சைக்கிள்கள் மற்றும் சமையல் எரிவாயு சிலிண்டர் ஆகியவற்றை ஏற்றி வைத்து சாலைகளில் ஊர்வலமாக கொண்டு சென்றனர்.