குருபரப்பள்ளி அருகே ஒரு டன் ரேஷன் அரிசி கடத்திய வாலிபர் கைது

குருபரப்பள்ளி:

கிருஷ்ணகிரி மாவட்டம் குருபரப்பள்ளி அருகே வரட்டனப்பள்ளி பகுதியில் உணவு பொருள் கடத்தல் தடுப்பு பிரிவு போலீஸ் இன்ஸ்பெக்டர் இளவரசி தலைமையில் சப்-இன்ஸ்பெக்டர் முரளி, சிவகாமி ஆகியோர் ரோந்து பணியில் ஈடுபட்டனர். அப்போது அந்த வழியாக மோட்டார் சைக்கிளில் சென்ற வாலிபரை நிறுத்தி விசாரித்தனர். அதில் அவர் ஆக்கல்நத்தம் கிராமத்தை சேர்ந்த தேவேந்திரன் (வயது 25) என்பதும், 2 மூட்டைகளில் ரேஷன் அரிசியை கடத்தி சென்றதும் தெரிந்தது. இதையடுத்து போலீசார் வழக்குப்பதிவு செய்து வாலிபர் தேவேந்திரனை கைது செய்தனர். மேலும், அவர் கொடுத்த தகவலின் பேரில் ஒரு டன் ரேஷன் அரிசி மற்றும் கடத்தலுக்கு பயன்படுத்திய மோட்டார் சைக்கிளையும் போலீசார் பறிமுதல் செய்தனர்.