மோட்டார் சைக்கிளில் இருந்து தவறி விழுந்தவர் சாவு

தோகைமலை காவல் நிலையத்திற்குட்பட்ட கல்லடை ஊராட்சி தோப்புபட்டி வடக்கு பகுதியை சேர்ந்தவர் கனகராஜ் (வயது 43). இவர் கடந்த 30-ந்தேதி மேலவெளியூரில் உள்ள உறவினர் வீட்டிற்கு தனது மோட்டார் சைக்கிளில் சென்று விட்டு அதே மோட்டார் சைக்கிளில் ஊருக்கு வந்து கொண்டிருந்தார். நெல்லூர்பட்டி அருகே வந்தபோது மோட்டார் சைக்கிளின் சைடு ஸ்டாண்டு தரையில் தட்டி அவர் கீழே விழுந்து படுகாயம் அடைந்தார். இதையடுத்து அங்கிருந்தவர்கள் அவரை மீட்டு சிகிச்சைக்காக திருச்சியில் உள்ள ஒரு தனியார் மருத்துவமனைக்கு அனுப்பி வைத்தனர். பின்னர் மேல்சிகிச்சைக்காக திருச்சி அரசு மருத்துவமனையில் அனுமதிக்கப்பட்டு சிகிச்சை பெற்று வந்தார். இந்தநிலையில் சிகிச்சை பலனின்றி கனகராஜ் பரிதாபமாக இறந்தார். இதுகுறித்து கனராஜ் மகன் ரூபன்பால் கொடுத்த புகாரின்பேரில் தோகைமலை போலீசார் வழக்குப்பதிந்து விசாரணை நடத்தி வருகின்றனர்.