<
பாலக்கரையில் பஸ் மீது கல்வீச்சு; 2 பேர் கைது
திருச்சி பாலக்கரையில் தனியார் பஸ் மீது கல்லை வீசி தாக்கி கண்ணாடியை உடைத்த 2 பேரை போலீசார் கைது செய்தனர்.
திருச்சி,
திருச்சி பாலக்கரையில் தனியார் பஸ் மீது கல்லை வீசி தாக்கி கண்ணாடியை உடைத்த 2 பேரை போலீசார் கைது செய்தனர்.
தனியார் பஸ்
திருச்சி சத்திரம் பஸ் நிலையத்தில் இருந்து மத்திய பஸ் நிலையத்துக்கு பாலக்கரை வழியாக நேற்று முன்தினம் மாலை தனியார் பஸ் ஒன்று சென்று கொண்டு இருந்தது. அந்த பஸ்சில் பயணம் செய்து வந்த 2 வாலிபர்கள் பாலக்கரை பஸ் நிறுத்தத்தில் இறங்க டிக்கெட் வாங்கி இருந்தனர்.
ஆனால் பஸ் நிறுத்தம் வந்ததும் 2 பேரும் கீழே இறங்காமல் பாலக்கரை மேம்பாலத்தில் பஸ்சை நிறுத்தி தங்களை இறக்கிவிடும்படி கூறினர். ஆனால் கண்டக்டர் அறிவானந்தம் பாலத்திலெல்லாம் பஸ்சை நிறுத்த முடியாது என்று கூறியதால் அவருடன் வாக்குவாதத்தில் ஈடுபட்டனர்.
பஸ் மீது கல்வீச்சு
பின்னர் பஸ்சில் இருந்து கீழே இறங்கிய 2 பேரும் ரோட்டில் கிடந்த கல்லை எடுத்து பஸ்சின் பின்பக்க கண்ணாடியில் வீசினர். இதில் கண்ணாடி உடைந்தது. இதுகுறித்து கண்டக்டர் அறிவானந்தம் காந்திமார்க்கெட் போலீசில் புகார் அளித்தார்.
அதன்பேரில் போலீசார் 2 பேரையும் பிடித்து விசாரித்தனர். விசாரணையில் அவர்கள், பீமநகர் கூனிபஜாரை சேர்ந்த நவாஸ் (வயது 19), முகமதுபகத் (19) என்பது தெரியவந்தது. இது குறித்து காந்திமார்க்கெட் போலீசார் வழக்குப்பதிவு செய்து 2 பேரையும் கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
