கீழடியில் கண்ணாடி, சுடுமண் பாசி மணிகள் கண்டெடுப்பு

தமிழர்களின் நாகரிகத்தை உலகிற்கு பறை சாற்றி வரும் கீழடியில் தற்போது 7-ம் கட்ட அகழாய்வு பணிகள் நடைபெற்று வருகின்றன. கீழடி மட்டுமின்றி கொந்தகை, அகரம், மணலூர் ஆகிய பகுதிகளில் அகழாய்வு பணிகள் நடைபெற்று வருகின்றன.
அகரத்தில் சேதமுற்ற நிலையில் சிறிய-பெரிய பானைகள், சிறிய, பெரிய நத்தை ஓடுகள், மற்றும் மண்பாண்ட ஓடுகள் உள்பட பல பொருட்கள் கண்டறியப்பட்டன.
கீழடியில் தொடர்ந்து பணிகள் நடைபெற்ற போது ஊதா, பச்சை கலரில் பழங்கால கண்ணாடி பாசி மணிகளும், மேலும் சுடுமண்ணால் செய்யப்பட்ட பாசிமணிகளும் கண்டறியப்பட்டுள்ளது.
அகழ்வாராய்ச்சி பணிகள் தொடர்ந்து நடைபெறும்போது மேலும் பல்வேறு அரிய பழங்கால பொருட்கள் கிடைக்கலாம் என தெரிகிறது.திருப்புவனம்,ஜூலை.9-