சிறுமிக்கு பாலியல் தொல்லை கொடுத்து வீடியோ எடுத்த வாலிபர் கைது

கரூர் பகுதியில் 8 வயது சிறுமி ஒருவர் வீட்டின் முன்பு விளையாடிக் கொண்டிருந்தார். அப்போது வாங்கல் பசுபதிபாளையம் பகுதியைச் சேர்ந்த சேதுபதி (வயது 22) என்பவர் அந்த சிறுமியை தனது மோட்டார் சைக்கிளில் ஏற்றிச் சென்று பாலியல் தொல்லை கொடுத்து அதனை தனது செல்போனில் வீடியோ எடுத்ததாக கூறப்படுகிறது. இதுகுறித்து அந்த சிறுமியின் தந்தை வாங்கல் போலீசில் கொடுத்த புகாரின்பேரில், போலீஸ் இன்ஸ்பெக்டர் ரமேஷ் வழக்குப்பதிவு செய்து சேதுபதியை கைது செய்தார். அவரிடமிருந்து மோட்டார் சைக்கிள் மற்றும் செல்போன் ஆகியவற்றை போலீசார் பறிமுதல் செய்தனர்.