கொரோனாவுக்கு மூதாட்டி பலி

திண்டுக்கல்:

திண்டுக்கல் அருகேயுள்ள ஒரு கிராமத்தை சேர்ந்த 76 வயது மூதாட்டிக்கு கடந்த சில நாட்களுக்கு முன்பு கொரோனா பாதிப்பு ஏற்பட்டது. இதையடுத்து அவர் திண்டுக்கல் அரசு மருத்துவமனையில் சிகிச்சைக்காக சேர்க்கப்பட்டார். இந்த நிலையில் நேற்று சிகிச்சை பலனின்றி அவர் இறந்தார். இதனால் திண்டுக்கல் மாவட்டத்தில் கொரோனாவுக்கு உயிரிழந்தவர்களின் எண்ணிக்கை 607 ஆனது.

இதற்கிடையே நேற்று 7 பெண்கள் உள்பட மேலும் 23 பேருக்கு கொரோனா தொற்று கண்டறியப்பட்டது. இதனால் மாவட்டத்தின் மொத்த கொரோனா பாதிப்பு 31 ஆயிரத்து 834 ஆக உயர்ந்தது. அதேநேரம் 29 பேர் கொரோனாவில் இருந்து குணமடைந்து வீடு திரும்பினர். நேற்றைய நிலவரப்படி 281 பேர் சிகிச்சையில் உள்ளனர்.