காரைக்குடி அரசு ஆஸ்பத்திரியில் ரூ.28 லட்சத்தில் ஆக்சிஜன் உற்பத்தி நிலையம்

காரைக்குடியில் உள்ள மாவட்ட அரசு தலைமை மருத்துவமனைக்கு, அமெரிக்காவில் வசிக்கும் கண்டரமாணிக்கத்தை சேர்ந்த டாக்டர் நாச்சியப்பன் மற்றும் அவரது முயற்சியால் பெறப்பட்ட நன்கொடை மூலம் ரூ.28 லட்சம் மதிப்பீட்டில் ஆக்சிஜன் உற்பத்தி எந்திரங்கள் வழங்கப்பட்டது. அதன் மூலம் அமைக்கப்பட்ட ஆக்சிஜன் செறிவூட்டி உற்பத்தி நிலையத்தின் தொடக்கவிழா மருத்துவமனை வளாகத்தில் நடைபெற்றது.
நிகழ்ச்சியில் முன்னாள் அமைச்சர் தென்னவன், காரைக்குடி முன்னாள் நகர்மன்ற தலைவர் முத்துத்துரை, தி.மு.க. மாவட்ட இளைஞரணி முன்னாள் துணை அமைப்பாளர் பள்ளத்தூர் ரவி, காரைக்குடி நகர செயலாளர் குணசேகரன், சாக்கோட்டை மேற்கு ஒன்றிய தி.மு.க. பொறுப்பாளர் கே.ஆர்.ஆனந்த், கிழக்கு ஒன்றிய செயலாளர் சின்னதுரை, சூரக்குடி ஊராட்சி மன்ற தலைவர் முருகப்பன், சாக்கோட்டை ஒன்றிய கவுன்சிலர் எஸ்.எம்.கே. சொக்கலிங்கம், மாவட்ட ஊராட்சி குழு உறுப்பினர்கள் செந்தில்குமார், ராதா பாலசுப்ரமணியன், குன்றக்குடி வடக்கு ஒன்றிய செயலாளர் சுப்பிரமணியன் உள்ளிட்ட பலர் கலந்து கொண்டனர். முடிவில் சாந்தி நாச்சியப்பன் நன்றி கூறினார்.