தர்மபுரி மாவட்டத்தில் கொரோனாவுக்கு 2 பேர் பலி

தர்மபுரி:

தர்மபுரி மாவட்டத்தில் கொரோனா தொற்றால் பாதிக்கப்படுவோரின் எண்ணிக்கை படிப்படியாக குறைந்து வருகிறது. இந்த நிலையில் நேற்று கொரோனாவுக்கு 2 பேர் பலியாகினர். மேலும் மாவட்டத்தில் நேற்று புதிதாக 65 பேருக்கு கொரோனா தொற்று கண்டறியப்பட்டது. இவர்கள் தர்மபுரி அரசு மருத்துவமனை மற்றும் தற்காலிக தனிமைப்படுத்தும் மையங்களில் சிகிச்சைக்காக சேர்க்கப்பட்டனர். தர்மபுரி மாவட்டத்தில் ஏற்கனவே கொரோனா பாதிப்பு காரணமாக சிகிச்சை பெற்று வந்தவர்களில் 67 பேர் நேற்று குணமடைந்து வீடு திரும்பினார்கள். தர்மபுரி மாவட்டத்தில் தற்போது கொரோனா தொற்று பாதிப்பால்  799 பேர் சிகிச்சை பெற்று வருகின்றனர்.மாவட்டத்தில் இதுவரை மொத்தம் 222 பேர் கொரோனா தொற்று பாதிப்பு காரணமாக உயிரிழந்துள்ளனர். மேலும் மாவட்டம் முழுவதும் இதுவரை கொரோனா தொற்றால் 25,336 பேர் பாதிக்கப்பட்டுள்ளனர்.