<
தண்டவாளத்தை கடக்க முயன்ற விவசாயி ரெயிலில் அடிபட்டு பலி
நாட்டறம்பள்ளி அருகே தண்டவாளத்தை கடக்க முயன்ற விவசாயி ரெயிலில் அடிபட்டு பரிதாபமாக இறந்தார்.
ஜோலார்பேட்டை
நாட்டறம்பள்ளி அருகே தண்டவாளத்தை கடக்க முயன்ற விவசாயி ரெயிலில் அடிபட்டு பரிதாபமாக இறந்தார்.
திருப்பத்தூர் மாவட்டம் நாட்டறம்பள்ளி அருகே ஜெயந்திபுரம் பச்சையப்பன் வட்டம் பகுதியைச் சேர்ந்தவர் குள்ளபெருமாள் (வயது 65), விவசாயி.
இவர், இன்று காலை சோமநாயக்கன்பட்டி-பச்சூர் ரெயில் நிலையங்களுக்கு இடையே நாட்டறம்பள்ளி அருகே பங்களாமேடு என்ற இடத்தில் உள்ள தண்டவாளத்தை கடக்க முயன்றார். அப்போது அந்த வழியாக சென்ற ஒரு ரெயிலில் அடிபட்டு சம்பவ இடத்திலேயே பரிதாபமாக உயிரிழந்தார்.
இதுகுறித்து தகவல் அறிந்ததும் ஜோலார்பேட்டை ரெயில்வே போலீஸ் சப்-இன்ஸ்பெக்டர் முரளி மனோகரன் மற்றும் போலீசார் வழக்குப்பதிவு செய்து சம்பவ இடத்துக்கு சென்று பிணத்தை கைப்பற்றி பிரேத பரிசோதனைக்காக திருப்பத்தூர் அரசு மருத்துவமனைக்கு அனுப்பி வைத்தனர். ஜோலார்பேட்டை ரெயில்வே போலீசார் விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
