<
காவேரிப்பட்டணம் அருகே விபத்தில் வேளாண்மை அதிகாரி பலி சேலத்தை சேர்ந்தவர்
காவேரிப்பட்டணம் அருகே ஸ்கூட்டர் கவிழ்ந்த விபத்தில் சேலத்தை சேர்ந்த வேளாண்மை அதிகாரி பலியானார்.
காவேரிப்பட்டணம்:
காவேரிப்பட்டணம் அருகே ஸ்கூட்டர் கவிழ்ந்த விபத்தில் சேலத்தை சேர்ந்த வேளாண்மை அதிகாரி பலியானார்.
வேளாண்மை அதிகாரி
சேலம் மரவனேரி கோர்ட்டு சாலை அண்ணா நகரை சேர்ந்தவர் தினகரன் (வயது 50). இவர் வேலூர் மாவட்டம் மாதனூரில் வேளாண்மைத்துறையில் துணை மேலாளராக பணிபுரிந்து வந்தார். சம்பவத்தன்று இவர் ஸ்கூட்டரில் கிருஷ்ணகிரியில் இருந்து தர்மபுரி சாலையில் காவேரிப்பட்டணம் அருகே உள்ள புளுக்காண்டியூர் பகுதியில் வந்து கொண்டிருந்தார்.
அப்போது எதிர்பாராதவிதமாக ஸ்கூட்டர் சாலையின் நடுவில் உள்ள தடுப்பு கம்பியில் மோதியது. இதில் நிலைதடுமாறி ஸ்கூட்டர் கவிழ்ந்ததில் தினகரன் கீழே விழுந்தார். இதில் பலத்த காயம் அடைந்த அவர் சம்பவ இடத்திலேயே பலியானார். இந்த விபத்து குறித்து அக்கம் பக்கத்தினர் காவேரிப்பட்டணம் போலீஸ் நிலையத்திற்கு தகவல் தெரிவித்தனர்.
போலீசார் விசாரணை
அதன்பேரில் போலீசார் விரைந்து சென்று தினகரனின் உடலை கைப்பற்றி பிரேத பரிசோதனைக்காக காவேரிப்பட்டணம் அரசு மருத்துவமனைக்கு அனுப்பி வைத்தனர். இந்த விபத்து குறித்து போலீஸ் இன்ஸ்பெக்டர் வெங்கடாசலம் வழக்குப்பதிவு செய்து விசாரணை நடத்தி வருகிறார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
