பொத்தனூரில் லாரி டிரைவர் மர்மசாவு போலீசார் விசாரணை

பரமத்திவேலூர்:

பரமத்திவேலூர் அருகே உள்ள பொத்தனூரை சேர்ந்தவர் சந்தானம் (வயது 51). லாரி டிரைவர். இவர் லாரியில் இருந்து கீழே‌ இறங்கும் போது காலில் காயம்‌ ஏற்பட்டு ‌மருத்துவமனையில் சிகிச்சை பெற்று வந்ததாக தெரிகிறது. ஆனால் காலில் ஏற்பட்ட காயம் ஆறாமல் சந்தானம் மிகவும் அவதிப்பட்டு வந்ததாகவும் கூறப்படுகிறது. 

இந்தநிலையில் சம்பவத்தன்று சந்தானம் வீட்டில் மூக்கில் நுரை ‌தள்ளியபடி இறந்து கிடப்பதாக பரமத்திவேலூர் போலீசாருக்கு தகவல் கிடைத்தது. அதன்பேரில் சம்பவ இடத்திற்கு சென்ற போலீசார் இறந்து கிடந்த சந்தானத்தின் உடலை மீட்டு பரமத்திவேலூர் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் லாரி டிரைவர் மர்மசாவு குறித்து போலீசார் வழக்குப்பதிவு செய்து விசாரணை நடத்தி வருகின்றனர்.