சுல்தான்பேட்டை அருகே சூதாடிய 4 பேர் கைது

சுல்தான்பேட்டை,

சுல்தான்பேட்டை பகுதியில் பணம் வைத்து சூதாடுவதாக போலீசாருக்கு ரகசிய தகவல் கிடைத்தது. இதையடுத்து சுல்தான்பேட்டை போலீஸ் இன்ஸ்பெக்டர் முருகேசன் உத்தரவின்பேரில், சப்-இன்ஸ்பெக்டர் குப்புராஜ் தலைமையில் போலீசார் மலைபாளையம் பகுதியில் ரோந்து பணியில் ஈடுபட்டனர். 

அப்போது அங்குள்ள மதுரைவீரன் கோவில் முன்பு சிலர் பணம் வைத்து சூதாடிக்கொண்டிருந்தனர். அவர்களை போலீசார் பிடித்து விசாரணை நடத்தினர். இதில் அதே பகுதியைச் சேர்ந்த கார்த்தி (வயது 26), அஜித்குமார் (22), செந்தில்குமார் (38), ராமசாமி (43) ஆகியோர் என்பதும், பணம் வைத்து சீட்டு விளையாடியதும் தெரியவந்தது. இதையடுத்து அவர்கள் 4 பேரையும் போலீசார் கைது செய்தனர்.