பெட்ரோல், டீசல் விலை உயர்வை கண்டித்து தர்மபுரியில் மகிளா காங்கிரஸ் கட்சியினர் ஆர்ப்பாட்டம்

தர்மபுரி,

பெட்ரோல் டீசல் மற்றும் சமையல் கியாஸ் விலை உயர்வை கண்டித்து தர்மபுரி மாவட்ட மகிளா காங்கிரஸ் கட்சி சார்பில் தர்மபுரி தொலைபேசி நிலையம் எதிரில் கண்டன ஆர்ப்பாட்டம் நடைபெற்றது. இந்த ஆர்ப்பாட்டத்திற்கு மாவட்ட மகிளா காங்கிரஸ் தலைவி காளியம்மாள் தலைமை தாங்கினார். காங்கிரஸ் தலைவர் செந்தில்குமார் முன்னிலை வகித்தார். இந்த ஆர்ப்பாட்டத்தின் போது மத்திய அரசுக்கு எதிராக கோஷம் எழுப்பப்பட்டது. இதில் ஐ.என்.டி.யு.சி. நிர்வாகிகள் சென்னகேசவன், தங்கவேல், காளியப்பன், கோவிந்தன், ரமேஷ், மணிமொழி, தங்கமணி, செந்தில், ரோஜா, விஜியா, பூங்கொடி, சரவணா எல்லம்மாள் மற்றும் காங்கிரஸ் கட்சி நிர்வாகிகள், மகிளா காங்கிரசார் உள்பட பலர் கலந்து கொண்டனர்.