<
மேலப்பாளையத்தில் ஆடு விற்பனை மும்முரம்
பக்ரீத் பண்டிகையையொட்டி மேலப்பாளையத்தில் ஆடு விற்பனை மும்முரமாக நடந்தது.
நெல்லை:
கொரோனா பரவல் காரணமாக தமிழகத்தில் ஊரடங்கில் பல்வேறு தளர்வுகள் அறிவிக்கப்பட்டு அமலில் உள்ளது. ஆனால் ஆடு, கோழி, மாடு விற்பனை செய்யக்கூடிய சந்தைகள் திறப்பதற்கு இன்னும் அனுமதி அளிக்கப்படவில்லை. இதனால் மேலப்பாளையம் மாநகராட்சி சந்தையும் மூடப்பட்டு உள்ளது.
இந்த நிலையில் பக்ரீத் பண்டிகை வருகிற 21-ந் தேதி ெகாண்டாடப்படுகிறது. இதை முன்னிட்டு மேலப்பாளையம் சந்தையையொட்டியுள்ள நேதாஜி சாலை, மேலப்பாளையம் சக்திநகர், அன்னை காதீஜா நகர் பகுதிகளில் வியாபாரிகள் ஆடு, மாடுகளை லோடு ஆட்டோ, லோடு வேன்களில் கொண்டு வந்து இறக்கி வைத்து விற்பனை செய்தனர்.
நேற்று மேலப்பாளையத்தில் ஆயிரத்துக்கும் மேற்பட்ட ஆடுகள் விற்பனைக்கு வந்திருந்தன. அந்த ஆடுகளை ஏராளமான பொதுமக்கள் போட்டிப்போட்டு வாங்கி சென்றனர். ஆடு, மாடுகள் விற்பனை மும்முரமாக நடந்தது. ரூ.10 ஆயிரம் முதல் ரூ.25 ஆயிரம் வரை ஆடுகள் விற்பனை செய்யப்பட்டன. மாடுகள் ரூ.15 ஆயிரம் முதல் ரூ.75 ஆயிரம் வரை விற்பனையானது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
