<
கொல்லிமலையில் நாட்டுத்துப்பாக்கி வைத்திருந்த தந்தை, மகன் கைது
கொல்லிமலையில் நாட்டுத்துப்பாக்கி வைத்திருந்த தந்தை, மகனை போலீசார் கைது செய்தனர்.
சேந்தமங்கலம்,
கொல்லிமலை ஊராட்சி ஒன்றியம் திருப்புலி நாடு ஊராட்சியில் உள்ள படசோலை கிராமத்தில் அனுமதியின்றி சிலர் நாட்டுத்துப்பாக்கி வைத்திருப்பதாக கொல்லிமலை வாழவந்தி நாடு போலீசாருக்கு ரகசிய தகவல் கிடைத்தது. அதைத்தொடர்ந்து சப்-இன்ஸ்பெக்டர் கங்காதரன் தலைமையிலான போலீசார் படசோலை கிராமத்தில் ரோந்து சுற்றி வந்தனர்.
அப்போது அந்த பகுதியை சேர்ந்த கோபால் (வயது 46), அவரது மகன் ரகுபிரியன் (23) ஆகியோர் 2 நாட்டுத்துப்பாக்கிகளை கையில் வைத்து கொண்டிருந்தனர். போலீசாரை கண்டதும் அவர்கள் தப்பி ஓட முயன்றனர். அப்போது போலீசார் விரட்டி சென்று அவர்களை பிடித்து அவர்களிடம் இருந்த 2 நாட்டு துப்பாக்கிகளையும் பறிமுதல் செய்ததுடன் அவர்கள் இருவரையும் கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
