ஸ்ரீரங்கம் அரசு பாலிடெக்னிக் கல்லூரியில் சேர மாணவ- மாணவிகள் விண்ணப்பிக்கலாம்

திருச்சி, 

ஸ்ரீரங்கம் அரசு பாலிடெக்னிக் கல்லூரியில் சேர மாணவ- மாணவிகள் விண்ணப்பிக்கலாம் என்று மாவட்ட கலெக்டர் தெரிவித்துள்ளார்.

ஸ்ரீரங்கம் அரசு பாலிடெக்னிக் கல்லூரியில் ஒவ்வொரு பாடப் பிரிவிலும் தலா 60 மாணவர்கள் வீதம் 5 பாடப்பிரிவுகளில் (அமைப்பியல், இயந்திரவியல், மின்னியல் மற்றும் மின்னணுவியல், மின்னணுவியல் மற்றும் தொடர்பியல், கணினி அறிவியல்) மொத்தம் 300 இடங்கள் உள்ளன 2021- 2022-ம் கல்வி ஆண்டில் இந்த கல்லூரியில் முதலாம் ஆண்டு டிப்ளமோ படிப்பில் சேர விரும்பும் 10-ம் வகுப்பு அல்லது அதற்கு இணையான கல்வித் தகுதியில் தேர்ச்சி பெற்ற மாணவ - மாணவிகள் http://www.tngaptc.in அல்லது http://www.tngaptc.com என்ற இணையதளத்தில் வருகிற 19-ந்தேதி வரை விண்ணப்பங்களை பதிவிறக்கம் செய்யலாம். எனவே இதுவரை விண்ணப்பிக்காத மாணவர்கள் இணையதள வாயிலாகவோ அல்லது இக்கல்லூரியில் செயல்படும் சேவை மையத்தில் மூலமாகவோ விண்ணப்பிக்க வழிவகை செய்யப்பட்டுள்ளது. அரசு பாலிடெக்னிக் கல்லூரியில் சேர விரும்பும் அனைத்து மாணவ -மாணவிகளும் பயன் அடையலாம் என தெரிவித்துக் கொள்ளப்படுகிறது. பதிவு கட்டணமாக ரூ.150-ஐ இணையதள வாயிலாக செலுத்தலாம் எஸ்.சி எஸ்.டி பிரிவினர் பதிவு கட்டணம் செலுத்த வேண்டியதில்லை என்று மாவட்ட கலெக்டர் தெரிவித்துள்ளார்.