விவசாய தொழிலாளர் சங்கத்தினர் ஆர்ப்பாட்டம்

 தமிழ்நாடு விவசாயிகள் சங்கம் மற்றும் அகில இந்திய விவசாய தொழிலாளர் சங்கம் சார்பில் குளித்தலை காந்தி சிலை அருகே நேற்று ஆர்ப்பாட்டம் நடைபெற்றது. இதற்கு விவசாய தொழிலாளர் சங்கம் மாவட்ட தலைவர் கண்ணதாசன் தலைமை தாங்கினார். இதில் விவசாய தொழிலாளர் சங்கங்களின் நிர்வாகிகள் உள்பட பலர் கலந்து கொண்டனர். உச்ச நீதிமன்ற தீர்ப்பிற்கு எதிராக காவிரி ஆற்றின் குறுக்கே மேகதாதுவில் புதிய அணை கட்ட முயற்சிக்கும் கர்நாடக பா.ஜ.க. அரசை கண்டித்தும், இந்திய ஒன்றிய அரசு உடனடியாக தலையிட்டு புதிய அணை கட்டுவதை தடுத்து நிறுத்த கோரியும் இந்த ஆர்ப்பாட்டம் நடைபெற்றது. ஆர்ப்பாட்டத்தில் ஈடுபட்டவர்கள் கோரிக்கைகளை வலியுறுத்தி கோஷங்கள் எழுப்பினர்.