லாரி கவிழ்ந்து டிரைவர் சாவு

கடையநல்லூர்:

செங்கோட்டை அருகே உள்ள வடகரை ஜாகிர் உசேன் நகர் 3-வது தெருவைச் சேர்ந்தவர் முகமது உசேன் (வயது 53). லாரி டிரைவரான இவர் சம்பவத்தன்று விருதுநகரில் இருந்து கேரளாவுக்கு லாரியில் பலசரக்கு பொருட்களை ஏற்றிக் கொண்டு புறப்பட்டார். கடையநல்லூர் அருகே வந்தபோது எதிர்பாராதவிதமாக சாலையோரத்தில் இருந்த மரத்தில் லாரி மோதி கவிழ்ந்தது. இதில் முகமது உசேன் பலத்த காயம் அடைந்து சம்பவ இடத்திலேயே பரிதாபமாக இறந்தார். 

இதுகுறித்து தகவல் அறிந்த கடையநல்லூர் போலீசார் சம்பவ இடத்திற்கு விரைந்து சென்று, அவரது உடலை கைப்பற்றி பரிசோதனைக்காக கடையநல்லூர் அரசு ஆஸ்பத்திரிக்கு அனுப்பி வைத்தனர். மேலும் போலீசார் வழக்குப்பதிவு செய்து விசாரணை நடத்தி வருகிறார்கள்.