நாம் தமிழர் கட்சியினர் ஆர்ப்பாட்டம்

செங்கோட்டை:

செங்கோட்டையை அடுத்த புளியரையில் பஸ் நிலையம் அருகில் நாம் தமிழர் கட்சி செங்கோட்டை ஒன்றியம் சார்பில் பெட்ரோல், டீசல் விலை உயர்வை கண்டித்தும், மத்திய அரசை கண்டித்தும் ஆர்ப்பாட்டம் நடைபெற்றது. ஒன்றிய தலைவர் முகம்மது ஷபீக் தலைமை தாங்கினார். ஒன்றிய செயலாளர் சுப்பிரமணியன், மேற்கு மாவட்ட தலைவர் கணேசன், செயலாளர் அருண்சங்கர், தொகுதி செயலாளர் ஜாபர், செய்தி தொடர்பாளர் கோமதிசங்கர் ஆகியோர் முன்னிலை வகித்தனர். ஆர்ப்பாட்டத்தில் மாநில இளைஞர் பாசறை செயலாளர் இசைமதிவாணன், மாநில கொள்கை பரப்பு செயலாளர் பசும்பொன் ஆகியோர் சிறப்புரையாற்றினர். முடிவில் கடையநல்லூர் சட்டமன்ற தொகுதி ஒருங்கிணைப்பாளர் சுடலை நன்றி கூறினார்.