மாவட்ட செய்திகள்

2-வது தவணை கோவேக்சின் தடுப்பூசி போடாமல் திருப்பி அனுப்பப்படும் பொதுமக்கள் + "||" + Civilians who are sent back without being vaccinated for the 2nd installment of covac

2-வது தவணை கோவேக்சின் தடுப்பூசி போடாமல் திருப்பி அனுப்பப்படும் பொதுமக்கள்

2-வது தவணை கோவேக்சின் தடுப்பூசி போடாமல் திருப்பி அனுப்பப்படும் பொதுமக்கள்
பெரம்பலூர் மாவட்டத்தில் 2-வது தவணை கோவேக்சின் தடுப்பூசி போட முடியாததால், பொதுமக்கள் திருப்பி அனுப்பப்படுகின்றனர்.
பெரம்பலூர்:

9 பேருக்கு கொரோனா
பெரம்பலூர் மாவட்டத்தில் இதுவரை 11,410 பேர் கொரோனா தொற்றுக்கு உள்ளாகி உள்ளனர். இவர்களில் 11,016 பேர் சிகிச்சை பெற்று வீடு திரும்பி உள்ளனர். மேலும் மாவட்டத்தில் நேற்று அறிவிக்கப்பட்ட பரிசோதனை முடிவின்படி பெரம்பலூர் ஒன்றியத்தில் 3 பேர், வேப்பந்தட்டை ஒன்றியத்தில் 3 பேர், வேப்பூர் ஒன்றியத்தில் 2 பேர், ஆலத்தூர் ஒன்றியத்தில் ஒருவர் என மொத்தம் 9 பேருக்கு கொரோனா தொற்று உறுதி செய்யப்பட்டது.சமீபத்தில் கொரோனா தொற்றுக்கு உள்ளான 179 பேரில் 44 பேர் தனிமைப்படுத்தும் முகாம்களிலும், வீடுகளிலும் தனிமைப்படுத்தி வைக்கப்பட்டுள்ளனர். பெரம்பலூர், அரியலூர், திருச்சி, சேலம், கள்ளக்குறிச்சி ஆகிய நகரங்களில் உள்ள அரசு மற்றும் தனியார் மருத்துவமனைகளில் 135 பேர் சிகிச்சை பெற்று வருகின்றனர். இதுவரை மாவட்டத்தில் கொரோனா தொற்றுக்கு 215 பேர் பலியாகி உள்ளனர். கடந்த 3 நாட்களாக கொரோனாவுக்கு உயிரிழப்புகள் இல்லை.
திருப்பி அனுப்பப்படுகின்றனர்
மேலும் மாவட்டத்தில் நேற்று வரை ஒரு லட்சத்து 41 பேருக்கு கோவிஷீல்டு தடுப்பூசியும், 15,173 பேருக்கு கோவேக்சின் தடுப்பூசியும் என மொத்தம் ஒரு லட்சத்து 56 ஆயிரத்து 849 பேருக்கு கொரோனா தடுப்பூசி செலுத்தப்பட்டுள்ளது. நேற்று மட்டும் ஒரே நாளில் 2,588 பேருக்கு கோவிஷீல்டு தடுப்பூசி செலுத்தப்பட்டுள்ளது. கோவேக்சின் தடுப்பூசி கையிருப்பு இல்லாததால், 2-வது தவணை கோவேக்சின் தடுப்பூசி செலுத்திக்கொள்ள வந்தவர்கள் கடந்த சில நாட்களாகவே திருப்பி அனுப்பப்படுகின்றனர்.
பெரம்பலூர் மாவட்டத்திற்கு இன்னும் ஓரிரு நாட்களில் கோவேக்சின் தடுப்பூசி யூனிட்டுகள் அரசால் வழங்கப்படும். அதன்பிறகு கோவேக்சின் 2-வது தவணை தடுப்பூசி செலுத்தப்படும் என்று சுகாதாரத்துறையினர், தடுப்பூசி செலுத்த வருபவர்களிடம் கூறி திருப்பி அனுப்பிவிடுகின்றனர். ஆனால் 12,310 யூனிட் கோவிஷீல்டு தடுப்பூசி போதிய கையிருப்பில் உள்ளதாக சுகாதாரத்துறையினர் தெரிவித்தனர்.

தொடர்புடைய செய்திகள்

1. ஈரோட்டில் கொரோனா தடுப்பூசிக்காக விடிய விடிய காத்திருந்த பொதுமக்கள்; ஊசி போடுவதை முறைப்படுத்த அதிகாரிகள் நடவடிக்கை எடுப்பார்களா?
ஈரோட்டில் கொரோனா தடுப்பூசி போட்டுக்கொள்ள பொதுமக்கள் விடிய விடிய காத்திருந்தனர். எனவே ஊசி போடுவதை முறைப்படுத்த அதிகாரிகள் நடவடிக்கை எடுக்க வேண்டும் என்று கோரிக்கை விடுக்கப்பட்டு உள்ளது.
2. தமிழகத்துக்கு கூடுதலாக 8½ லட்சம் கொரோனா தடுப்பூசி விமானம் மூலம் சென்னை வந்தடைந்தது
தமிழகத்துக்கு கூடுதலாக மேலும் 8½ லட்சம் கொரோனா தடுப்பூசிகள் நேற்று விமானம் மூலம் சென்னை வந்தடைந்தன.
3. ஈரோடு மாவட்டத்தில் 100 மையங்களில் 10 ஆயிரம் பேருக்கு கொரோனா தடுப்பூசி
ஈரோடு மாவட்டத்தில் 100 மையங்கள் மூலம் நேற்று 10 ஆயிரம் பேருக்கு கொரோனா தடுப்பூசி போடப்பட்டது.
4. கொரோனா தடுப்பூசி போட ஆர்வம் காட்டாத மக்கள்
மழை மற்றும் விடுமுறை நாள் என்பதால் கடலூர் மாவட்டத்தில் கொரோனா தடுப்பூசி போட மக்கள் ஆர்வம் காட்டவில்லை. இதனால் தடுப்பூசியுடன் அலுவலர்கள் நீண்ட நேரம் காத்திருந்தனர்.
5. கரூர் மாவட்டத்தில் கொரோனா தடுப்பூசி போட்டுக்கொள்ள பொதுமக்கள் ஆர்வம்
கரூர் மாவட்டத்தில் கொரோனா தடுப்பூசி போட்டுக்கொள்ள பொதுமக்கள் அதிக ஆர்வம் செலுத்தி வருகின்றனர்.