திண்டுக்கல்லில் பா.ஜனதாவினர் ஆர்ப்பாட்டம்

திண்டுக்கல்:

திண்டுக்கல் மணிக்கூண்டு அருகே திண்டுக்கல் கிழக்கு மாவட்ட பா.ஜ.க. சார்பில் ஆர்ப்பாட்டம் நடந்தது. இதற்கு மாவட்ட தலைவர் தனபாலன் தலைமை தாங்கினார். துணை தலைவர்கள் தண்டபாணி, மல்லிகா, கோவிந்தராஜ், செந்தாமரை ஆகியோர் முன்னிலை வகித்தனர். ஆர்ப்பாட்டத்தின் போது, பிரதமர் மோடி, மத்திய மந்திரி அமித்ஷா மற்றும் இந்து தெய்வங்களை அவதூறாக பேசிய பாதிரியார் ஜார்ஜ் பொன்னையாவை குண்டர் தடுப்பு சட்டத்தின் கீழ் கைது செய்ய வலியுறுத்தி கோஷங்கள் எழுப்பப்பட்டன. ஆர்ப்பாட்டத்தில் பா.ஜ.க. நிர்வாகிகள் ஏராளமானோர் கலந்துகொண்டனர்.