சிறுமிக்கு பாலியல் தொந்தரவு; வாலிபர் போக்சோவில் கைது

பெரம்பலூர்:

திருச்சி மாவட்டம், ஸ்ரீரங்கம் கன்னியப்பன் தெருவை சேர்ந்தவர் வவாசி. இவரது மகன் பிரதீப் (வயது 19). இவர் பெரம்பலூர் மாவட்டம் ஆலத்தூர் தாலுகா புதுக்குறிச்சியில் உள்ள தனது பாட்டி வீட்டில் கடந்த சில ஆண்டுகளாக வசித்து வருகிறார். சம்பவத்தன்று 4 வயது சிறுமிக்கு பாலியல் தொந்தரவு கொடுத்ததாக கூறப்படுகிறது. இதுகுறித்து அந்த சிறுமியின் தாய் பெரம்பலூர் அனைத்து மகளிர் போலீஸ் நிலையத்தில் புகார் கொடுத்தார். அதன்பேரில் போலீசார் போக்சோ சட்டத்தின் கீழ் வழக்குப்பதிவு செய்து பிரதீப்பை கைது செய்தனர்.