<
காங்கேயம் இன மாடுகள் விற்பனை
பழையகோட்டை மாட்டுத்தாவணியில் 40 காங்கேயம் இன பசுமாடுகள், கன்றுகள், காளைகள் ரூ.16 லட்சத்திற்கு விற்பனை செய்யப்பட்டது.
முத்தூர்
பழையகோட்டை மாட்டுத்தாவணியில் 40 காங்கேயம் இன பசுமாடுகள், கன்றுகள், காளைகள் ரூ.16 லட்சத்திற்கு விற்பனை செய்யப்பட்டது.
பழையகோட்டை மாட்டுத்தாவணி
திருப்பூர் மாவட்டம் நத்தக்காடையூர் அருகே உள்ள பழையகோட்டை மாட்டுத்தாவணியில் உலகிலேயே வீரத்திற்கும், கம்பீரத்திற்கும் உலக புகழ் பெற்ற காங்கேயம் இன காளைகள், கன்றுகள், மாடுகள் விற்பனை சந்தை வாரந்தோறும் ஞாயிற்றுக்கிழமை நடைபெற்று வருகிறது.
இந்த நிலையில் கொரோனா வைரஸ் 2-வது அலை பரவுதல் தடுப்பு முன்னெச்சரிக்கை நடவடிக்கையாக தமிழக அரசு கடந்த 76 நாட்களாக அமல்படுத்தி உள்ள ஊரடங்கு உத்தரவுக்கு பிறகு நேற்று இந்த காங்கேயம் இன கால்நடை சந்தை வழக்கம்போல் திறக்கப்பட்டது.
கால்நடை விவசாயிகள்
இதன்படி நேற்று நடைபெற்ற இந்த சந்தையில் திருப்பூர், ஈரோடு, கரூர், நாமக்கல், கோவை, திருச்சி, திண்டுக்கல் உள்பட தமிழகத்தின் பல்வேறு மாவட்டங்களை சேர்ந்த காங்கேயம் இன காளைகள் வளர்ப்போர்கள், நாட்டு மாடுகளை வளர்க்கும் விவசாயிகள், காங்கேயம் இன காளை பராமரிப்பு விருத்தியாளர்கள் ஆகியோர் தமிழக அரசின் கொரோனா தடுப்பு விதிகளை கடைப்பிடிக்கும் விதமாக முகக்கவசம் அணிந்து கொண்டு சமூக இடைவெளியை கடைபிடித்து தங்களது காங்கேயம் இன பெரிய பூச்சி காளைகள், இளம் பூச்சி காளைகள், செவலை பசுமாடுகள், மயிலை பூச்சிகாளைகள், மயிலை பசு மாடுகள், மயிலை கிடாரிகள், காராம்பசு கிடாரி கன்றுகள் ஆகிய காங்கேயம் இனங்களை மட்டும் விற்பனைக்காக கொண்டு வந்திருந்தனர்.
இதில் காங்கேயம் இன நாட்டு பசுமாடுகள், கன்றுகள், காளைகள் என ரகம் வாரியாக தரம் பிரிக்கப்பட்டு விற்பனை செய்யப்பட்டது. இந்த சந்தையில் நேற்று காங்கேயம் இன பசுமாடுகளை வாங்குவதற்கு விவசாயிகள், வியாபாரிகள் அதிக ஆர்வத்துடன் நேரில் திரண்டு வந்து கலந்து கொண்டனர். இதன்படி இந்த சந்தையில் நேற்று விற்பனைக்காக கொண்டு வரப்பட்ட மொத்தம் 90 காங்கேயம் இன காளைகள், மாடுகளில் மொத்தம் 40 நாட்டு மாடுகள் விற்பனை செய்யப்பட்டது.
ரூ.16 லட்சத்துக்கு விற்பனை
இதன்படி சந்தையில் அதிகபட்சமாக காங்கேயம் இன கிடாரி கன்றுடன் மயிலை பசுமாடு ரூ.75 ஆயிரத்திற்கு விற்பனை செய்யப்பட்டது. மேலும் சந்தையில் காங்கேயம் இன இளங்கன்றுகள் ஆரம்ப விலையாக ரூ.32 ஆயிரம் முதல் விற்பனை செய்யப்பட்டது. இதன்படி நேற்று மட்டும் ஒரே நாளில் இந்த சந்தையில் மொத்தம் ரூ.16 லட்சத்துக்கு காங்கேயம் இன காளைகள், கன்றுகள், மாடுகள் விற்பனை செய்யப்பட்டது.
இந்த சந்தையில் திருப்பூர், ஈரோடு, கரூர், நாமக்கல் மாவட்டங்களை சேர்ந்த காங்கேயம் இன காளைகள், மாடுகள் வளர்க்கும் விவசாயிகள், வியாபாரிகள் பலர் கலந்து கொண்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
