<
மோட்டார்சைக்கிள் விபத்தில் இறைச்சி வியாபாரி முகம் சிதைந்து பலி
இறைச்சி வியாபாரி முகம் சிதைந்து பலி
அணைக்கட்டு
குடியாத்தம் காரணம்பேட்டை ஷெரீப்நகர் 1-வது தெருவைச் சேர்ந்தவர் அமீன்பாஷா (வயது 46), இறைச்சி வியாபாரி. இவர் நேற்று ஆம்பூரில் உறவினர் திருமணத்தில் பங்கேற்று விட்டு மோட்டார்சைக்கிளில் குடியாத்தத்தை நோக்கி வந்து கொண்டிருந்தார். அகரம்சேரி மேம்பாலத்தில் மதியம் 2 மணியளவில் வரும்போது, திடீரென நிலை தடுமாறி பாலத்தின் மீது அவரின் மோட்டார்சைக்கிள் மோதியது. அதில் அமீன்பாஷா அங்கிருந்த இரும்புத் தடுப்புகள் மீது விழுந்தார். கழுத்துப் பகுதியில் இரும்புக்கம்பி குத்தியும், முகம் சிதைந்தும் சம்பவ இடத்திலேயே பலியானார்.
தகவல் அறிந்ததும் பள்ளிகொண்டா போலீசார் சம்பவ இடத்துக்கு வந்து அவரின் பிணத்தை மீட்டு பிரேத பரிசோதனைக்காக வேலூர் அடுக்கம்பாறை அரசு மருத்துவமனைக்கு அனுப்பி வைத்தனர். விபத்து பற்றி போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
