மாவட்ட செய்திகள்

வானத்தில் இருந்து விழுந்த மர்மப்பொருளால் பரபரப்பு + "||" + Excitement by the mystery that fell from the sky

வானத்தில் இருந்து விழுந்த மர்மப்பொருளால் பரபரப்பு

வானத்தில் இருந்து விழுந்த மர்மப்பொருளால் பரபரப்பு
திருக்கழுக்குன்றம் அருகே வானத்தில் இருந்து விழுந்த மர்மப்பொருளால் பரபரப்பு ஏற்பட்டது.
சென்னை,

செங்கல்பட்டு மாவட்டம் திருக்கழுக்குன்றம் அடுத்துள்ளது வடக்குப்பட்டு கிராமம். இந்த பகுதியை சேர்ந்தவர் வெங்கடேசன் (வயது 55). இவர் நேற்று முன்தினம் தனது ஆடுகளை மேய்ப்பதற்காக அருகில் உள்ள வயல்வெளிக்கு சென்றார். வழியில் ஒரு மர்மப்பொருள் வயல் வெளியில் செங்குத்தாக விழுந்து மண்ணில் புதைந்து நிற்பதை பார்த்தார்.


அது வெடிபொருளாக இருக்கலாம் என நினைத்த அவர் அந்த பகுதி கிராம நிர்வாக அலுவலர் வீரராகவனுக்கு தகவல் தெரிவித்தார். அந்த இடத்துக்கு விரைந்து வந்த கிராம நிர்வாக அலுவலர் வீரராகவன் அந்த பொருளை பார்வையிட்டார். அது நவீன வெடிபொருள் போன்று 3 அடி நீளத்திலும், 10 கிலோ எடையுடனும் காணப்பட்டது. அதில் எச்சரிக்கை என ஆங்கிலத்தில் வெள்ளை நிறத்தில் பெரிய எழுத்துக்களில் எழுத்தப்பட்டிருந்தது.

அதில் எலக்ட்ரானிக் பட்டன்கள் ஏராளமாக காணப்பட்டது. மிக உயரத்தில் இருந்து விழுந்த அந்த பொருள் குறித்து திருக்கழுக்குன்றம் போலீசாருக்கு தகவல் தெரிவிக்கப்பட்டது. தகவல் அறிந்து கிராம மக்களும் ஏராளமானோர் அங்கு குவிந்தனர். இதனால் அந்த பகுதியில் பரபரப்பு ஏற்பட்டது.

தவறி விழுந்திருக்கலாம்

பாதுகாப்பு கருதிய போலீசார் யாரையும் அருகில் அனுமதிக்கவில்லை. தகவலறிந்த செங்கல்பட்டு துணை போலீஸ் சூப்பிரண்டு ஆசீஷ்பச்சாரா மற்றும் போலீசார் சம்பவ இடத்திற்கு விரைந்து சென்று அதை ஆய்வு செய்தனர். அந்த மர்ம பொருள் 3 அல்லது 4 நாட்களுக்கு முன் தரையில் விழுந்து இருக்கலாம் எனக் கருதிய போலீசார் அதை பாதுகாப்பாக போலீஸ் நிலையத்துக்கு கொண்டு சென்றனர்,

இது தொடர்பாக அரக்கோணத்தில் உள்ள கடற்படை தளத்தினருக்கு போலீசார் தகவல் தெரிவித்தனர்.

இதையடுத்து நேற்று திருக்கழுக்குன்றம் வந்த கடற்படையை சேர்ந்த அதிகாரிகள், அது வெடிபொருள் இல்லை என்றும் அந்த பொருள் கடற்படை விமானத்தில் கொண்டு செல்லும்போது தவறி விழுந்ததா? என்ற கோணத்தில் விசாரணை நடத்தப்படும் என்று கூறினர்.


தொடர்புடைய செய்திகள்

1. போலீஸ் நிலையத்தில் காதலியை வாலிபர் கத்தியால் குத்தியதால் பரபரப்பு
ஸ்ரீவில்லிபுத்தூர் போலீஸ் நிலையத்தில் காதலியை வாலிபர் கத்தியால் குத்திய சம்பவம் பரபரப்பை ஏற்படுத்தியது.
2. முழு ஊரடங்கையும் மீறி இலவசமாக கொடுத்த கரும்பு கட்டுகளை அள்ளி சென்ற பொதுமக்கள்
முழு ஊரடங்கையும் மீறி இலவசமாக கொடுத்த கரும்பு கட்டுகளை அள்ளி சென்ற பொதுமக்கள் சமூகவலைதளங்களில் பரவிய வீடியோவால் பரபரப்பு.
3. 12 மீட்டர் வரை உள்ளே சென்றது: சென்னையில் கடல் திடீரென உள்வாங்கியதால் பரபரப்பு
சென்னையில் கடல் திடீரென்று உள்வாங்கியதால் பரபரப்பு ஏற்பட்டது. சுமார் 12 மீட்டர் வரை உள்ளே சென்றதாக கூறப்பட்ட நிலையில், சில மணி நேரங்களில் இயல்பு நிலைக்கு திரும்பியது.
4. மாப்பிள்ளை மதுபோதையில் இருந்ததால் திருமணத்தை நிறுத்திய மணப்பெண் மாலையை கழற்றி வீசியதால் பரபரப்பு
மாப்பிள்ளை மதுபோதையில் இருந்ததால் மணப்பெண் திருமணத்தை நிறுத்தினார். அவர், மாலையை கழற்றி வீசியதால் பரபரப்பு ஏற்பட்டது.
5. ஹெலிகாப்டரின் கடைசி பயண காட்சி சுற்றுலா பயணி எடுத்த வீடியோவால் பரபரப்பு
பனி மூட்டத்துக்குள் மறைந்த ஹெலிகாப்டரின் கடைசி பயண காட்சியை சுற்றுலா பயணி வீடியோ எடுத்து இருந்தார். அந்த காட்சி வெளியாகி பெரும் பரபரப்பை ஏற்படுத்தி உள்ளது.