மோட்டார் சைக்கிள் விபத்தில் வாலிபர் பலி

குலசேகரம், 

மோட்டார் சைக்கிள் விபத்தில் வாலிபர் பரிதாபமாக இறந்தார். அவருடன் சென்ற நண்பர் படுகாயங்களுடன் ஆஸ்பத்திரியில் சிகிச்சை பெற்று வருகிறார்.

இந்த சம்பவம் குறித்த விவரம் வருமாறு:-

திற்பரப்பு அருகே கடையாலுமூடு பகுதியை சேர்ந்த தங்கராஜ்  மகன் ஸ்டாலின் (வயது23). இவரும் அதே பகுதியை சேர்ந்த  வேலப்பன் மகன் விக்னேஷ் (22) என்பவரும் நண்பர்கள்.  இவர்கள் கடையாலுமூட்டில் இருந்து குலசேகரம் நோக்கி மோட்டார் சைக்கிளில் சென்று கொண்டிருந்தனர். 

உண்ணியூர்கோணம் அரசு பள்ளி அருகே சென்ற போது திடீரென மோட்டார் சைக்கிள் நிலைதடுமாறி கவிழ்ந்தது. இதில் இருவரும் தூக்கி வீசப்பட்டு படுகாயம் அடைந்தனர். 

அக்கம் பக்கத்தில் நின்றவர்கள் அவர்களை மீட்டு ஆஸ்பத்திரிக்கு கொண்டு சென்றனர். ஆனால், செல்லும் வழியில் ஸ்டாலின் பரிதாபமாக இறந்தார். படுகாயம் அடைந்த விக்னேஷ் ஒரு தனியார் ஆஸ்பத்திரியில் சிகிச்சை பெற்று வருகிறார். இந்த விபத்து குறித்து குலசேகரம் போலீசார் வழக்குப்பதிவு செய்து விசாரணை நடத்தி வருகிறார்கள். இந்த சம்பவம் அந்த பகுதியில் சோகத்தை ஏற்படுத்தியுள்ளது.