<
பெண்களிடம் சங்கிலி பறித்த 2 பேர் கைது
கும்பகோணத்தில், பெண்களிடம் சங்கிலி பறித்த 2 பேரை போலீசார் கைது செய்தனர்.
கும்பகோணம்:
கும்பகோணத்தில், பெண்களிடம் சங்கிலி பறித்த 2 பேரை போலீசார் கைது செய்தனர்.
பெண்களிடம் சங்கிலி பறிப்பு
தஞ்சை மாவட்டம் கும்பகோணம் அருகே உள்ள கொரநாட்டு கருப்பூர் பகுதியில் நேற்று முன்தினம் காலை மோட்டார் சைக்கிளில் 2 பேர் வந்தனர். அப்போது அந்த பகுதியில் நடந்து சென்று கொண்டிருந்த ஒரு பெண்ணிடம் இருவரும் சங்கிலி பறிப்பில் ஈடுபட்டனர். பின்னர்தான் தெரிந்தது, அந்த பெண் அணிந்து வந்த சங்கிலி கவரிங் என்பது.
அதே நாளில் அவர்கள் இருவரும் கும்பகோணம் பாணாதுறை பகுதியில் வந்து கொண்டிருந்த கமலா என்பவர் அணிந்திருந்த 5 பவுன் சங்கிலியை பறித்து கொண்டு தப்பி ஓடினர்.
பொதுமக்கள் தாக்கினர்
அதனை தொடர்ந்து அவர்கள் இருவரும் கும்பகோணம் துக்காம்பாளைய தெரு பகுதியில் கற்பகம் என்ற பெண்ணிடம் சங்கிலி பறிப்பில் ஈடுபட முயன்றனர். அப்போது அந்த பெண் கூச்சலிட்டதால் அந்த பகுதியில் இருந்த பொதுமக்கள் சங்கிலி பறிப்பில் ஈடுபட்ட இருவரையும் பிடிக்க முயன்றனர்.
அப்போது அவர்கள் இருவரும் அங்கிருந்து தப்பி ஓட முயன்றதால் அவர்களை பொதுமக்கள் பிடித்து தாக்கினர். இதில் இருவரும் படுகாயம் அடைந்தனர். பின்னர் பொதுமக்கள் போலீசாருக்கு தகவல் தெரிவித்தனர்.
2 பேர் கைது
தகவல் அறிந்ததும் சம்பவ இடத்திற்கு விரைந்து வந்த போலீசார் பிடிபட்ட இருவரிடமும் விசாரணை நடத்தினர். விசாரணையில் அவர்கள் திருச்சி திருவானைக்காவலை சேர்ந்த சக்தி(வயது 45), திண்டுக்கல் மாவட்டம் செம்பட்டியை சேர்ந்த அகமது நவாஸ்(23) ஆகியோர் என்பது தெரிய வந்தது. மேலும் இவர்கள் மீது பல்வேறு குற்ற வழக்குகள் நிலுவையில் இருப்பதும் தெரிய வந்தது.
இதுகுறித்து கும்பகோணம் போலீசார் வழக்குப்பதிவு செய்து இருவரையும் கைது செய்தனர். பொதுமக்கள் தாக்கியதால் காயமடைந்த இருவரையும் போலீசார் கும்பகோணம் அரசு மாவட்ட தலைமை மருத்துவமனையில் சிகிச்சைக்காக அனுமதித்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
