சிறுமியை திருமணம் செய்த வாலிபர் கைது

கரூர் மாவட்டம், பிச்சம்பட்டி பகுதியை சேர்ந்தவர் விவேகானந்தன் (வயது 22). இவர் 15 வயது சிறுமியை திருமணம் செய்துள்ளார். இதுகுறித்து தகவல் அறிந்த தாந்தோணி வட்டார வளர்ச்சி நல அலுவலர் மாரியாயி கரூர் அனைத்து மகளிர் போலீஸ் நிலையத்திற்கு புகார் கொடுத்தார். அதன்பேரில் போலீசார், சிறுமியை திருமணம் செய்த விவேகானந்தனை கைது செய்தனர். மேலும், திருமணத்திற்கு உடந்தையாக இருந்த விவேகானந்தனின் தந்தை பெருமாள் (45) தாயார் லட்சுமி (40), சிறுமியின் தந்தை, தாய் ஆகிய 4 பேர் மீது வழக்குப்பதிந்து விசாரணை நடத்தி வருகின்றனர்.