கல்லூரி மாணவி மாயம்

கரூர் பசுபதிபாளையம் அருகே உள்ள துளிபட்டியை சேர்ந்தவர் ராஜம்மாள். இவரது மகள் அருணா (வயது 19). இவர் அப்பகுதியில் உள்ள ஒரு கல்லூரியில் 3-ம் ஆண்டு படித்து வருகிறார். இந்நிலையில் தட்டச்சு வகுப்புக்கு சென்று வருவதாக கூறிவிட்டு வீட்டில் இருந்து வெளியே சென்றார்.  ஆனால் வெகுநேரம் ஆகியும் அவர் வீட்டிற்கு வரவில்லை. இதையடுத்து அருணாவை அவரது தாய் தனது உறவினர் வீடு மற்றும் பல்வேறு இடங்களில் தேடியும் கிடைக்கவில்லை. இதுகுறித்து ராஜம்மாள் கொடுத்த புகாரின்பேரில், பசுபதிபாளையம் போலீசார் வழக்குப்பதிந்து விசாரணை நடத்தி வருகின்றனர்.