லாரி மோதி டிரைவர் சாவு

வி.கைகாட்டி:

அரியலூர் மாவட்டம் விளாங்குடி அருகே உள்ள ஆதிச்சனூர் சிவன் கோவில் தெருவை சேர்ந்தவர் சாமிநாதன்(வயது 56). லாரி டிரைவரான இவர் நேற்று முன்தினம் வேலை முடிந்து, வி.கைகாட்டியில் இருந்து ஆதிச்சனூருக்கு மோட்டார் சைக்கிளில் சென்றார். தேளூர் துணை மின் நிலையம் அருகே சென்றபோது எதிரே வந்த டிப்பர் லாரி மோட்டார் சைக்கிள் மீது மோதியது. இதில் சாமிநாதன் பலத்த காயமடைந்தார். இது பற்றி தகவல் அறிந்த கயர்லாபாத் போலீசார் அங்கு சென்று, சாமிநாதனை மீட்டு அரியலூர் அரசு ஆஸ்பத்திரிக்கு சிகிச்சைக்காக அனுப்பி வைத்தனர். மேல்சிகிச்சைக்காக தஞ்சை அரசு மருத்துவ கல்லூரி ஆஸ்பத்திரியில் சேர்க்கப்பட்ட சாமிநாதன், அங்கு சிகிச்சை பலனின்றி நேற்று இறந்தார். இது குறித்து கயர்லாபாத் போலீசார் வழக்குப்பதிந்து விசாரணை மேற்கொண்டு வருகின்றனர்.