முக கவசம் அணியாதவர்கள் மீது நடவடிக்கை

காரியாபட்டி, 

 திருச்சுழி வருவாய்த்துறை மற்றும் என் மாணவர்கள் அமைப்பினர் இணைந்து திருச்சுழியில் கொரோனா விழிப்புணர்வு நிகழ்ச்சியை நடத்தினர். திருச்சுழி தாசில்தார் முத்துகிருஷ்ணன், துணை போலீஸ் சூப்பிரண்டு மதியழகன், என் மாணவர்கள் அமைப்பின் ஒருங்கிணைப்பாளர் செல்லப்பாண்டியன் ஆகியோர் விழிப்புணர்வு நிகழ்ச்சியை தொடங்கி வைத்தனர். அப்போது கொரோனா தொற்று தடுப்பதற்கான வழிமுறைகள் அடங்கிய துண்டு பிரசுரங்கள் பொதுமக்களுக்கு வினியோகம் செய்யப்பட்டது. கொரோனா பரவலை தடுக்க அரசின் விதிமுறைகளை பின்பற்ற வேண்டும். அனைவரும் முககவசம் அணிய வேண்டும். சமூக இடைவெளியை பின்பற்ற வேண்டும். விதிகளை மீறுபவர்கள் மீது கடும் நடவடிக்கை எடுக்கப்படும் என தாசில்தார் முத்துகிருஷ்ணன், துணை போலீஸ் சூப்பிரண்டு மதியழகன் ஆகியோர் கூறினர்.