குளத்தில் மீன் பிடிக்க விரித்த வலையில் சிக்கி மீனவர் சாவு

அறந்தாங்கி
அறந்தாங்கி அருகே உள்ள தேவகோட்டை நடராஜபுரம் 3-ம் வீதியை சேர்ந்தவர் மதுரைவீரன் (வயது 54). இவர் நேற்று அறந்தாங்கி வீரமகாளியம்மன் கோவில் தெப்பக்குளத்தில் மீன் பிடிக்க வலை விரித்து இருந்தார். பின்னர் அவர் குளத்தில் இறங்கி குளித்துக் கொண்டிந்தார். அப்போது அவர் எதிர்பாராத விதமாக தான் விரித்த வலையில் சிக்கிக் கொண்டார். மேலும் அவர் வலை விரித்திருந்த இடம் சேறும்-சகதியுமாக இருந்ததால் அவரது கால்  சிக்கிக் கொண்டது. இதனால் வெளியே வர முடியாமல் தவித்த அவர் சிறிது நேரத்தில் குளத்தில் மூழ்கி உயிரிழந்தார். இதுகுறித்து தகவல் அறிந்த அறந்தாங்கி போலீசார் சம்பவ இடத்திற்கு சென்று மதுரை வீரன் உடலை மீட்டு பிரேத பரிசோதனைக்காக அறந்தாங்கி அரசு மருத்துவமனைக்கு அனுப்பி வைத்தனர். மேலும் இதுகுறித்து விசாரணை நடத்தி வருகின்றனர்.