பணகுடியில் ஆட்டோ டிரைவர் தற்கொலை

பணகுடி:

பணகுடி அண்ணாநகரை சேர்ந்தவர் அய்யாத்துரை (வயது 47). ஆட்டோ டிரைவர். இவருக்கு மனைவி, ஒரு மகன், ஒரு மகள் உள்ளனர். இந்த நிலையில் அய்யாத்துரை கடந்த சில நாட்களாக மதுபோதையில் சரிவர வேலைக்கு செல்லாமல் இருந்ததாக கூறப்படுகிறது. இதை குடும்பத்தினர் கண்டித்து உள்ளனர். இதனால் வெறுப்படைந்த அய்யாத்துரை விஷம் குடித்து மயங்கி கிடந்தார். அவரை 108 ஆம்புலன்ஸ் மூலம் ஆசாரிபள்ளம் அரசு மருத்துவக்கல்லூரி மருத்துவமனையில் சேர்த்தனர். அங்கு சிகிச்சை பலனின்றி அவர் பரிதாபமாக இறந்தார். இதுகுறித்து பணகுடி போலீஸ் இன்ஸ்பெக்டர் சகாய சாந்தி வழக்குப்பதிவு செய்து விசாரணை நடத்தி வருகிறார்.