தூக்குப்போட்டு தொழிலாளி தற்கொலை

போடி:

போடி அருகே உள்ள மீனாட்சிபுரம் ரைஸ்மில் தெருவை சேர்ந்தவர் வேல்முருகன் (வயது 52). மண்பாண்டம் செய்யும் தொழிலாளி. இவருக்கு இரண்டு மனைவிகள். இருவரும் கருத்து வேறுபாடு காரணமாக பிரிந்து வாழ்கிறார்கள். இதனால் அவர் மதுப்பழக்கத்திற்கு அடிமையானார். இந்நிலையில் மனம் உடைந்த அவர் நேற்றுமுன்தினம் மீனாட்சிபுரம் கண்மாய் அருகே உள்ள விவசாய மின் மோட்டார் அறையில் தூக்குப்போட்டு தற்கொலை செய்து கொண்டார். இதுகுறித்து போடி தாலுகா போலீசார் வழக்குப்பதிவு செய்து விசாரணை நடத்தி வருகின்றனர்.